Qazaqstanda «jasyl» energııa óndirisi 15%-ǵa ósti
ASTANA. KAZINFORM - 2026 jyldyń I toqsanynyń qorytyndysy boıynsha Qazaqstandaǵy jańartylatyn energııa kózderi (JEK) nysandarynan elektr energııasyn óndirý kólemi 2,3 mlrd kVt·saǵ qurady, dep habarlaıdy QR Energetıka mınıstrliginiń baspasóz qyzmeti.
Baspasóz qyzmetiniń málimetterine qaraǵanda, bul ótken jyldyń sáıkes kezeńimen salystyrǵanda 15%-ǵa joǵary. 2026 jylǵa arnalǵan boljam boıynsha JEK óndirisi 8,8 mlrd kVt·saǵ deńgeıinde bolady degen boljam bar.
Bıyl jalpy qýaty 245 MVt bolatyn 10 jańa JEK nysanyn iske qosý josparlanǵan. Onyń ishinde 4 jel elektr stantsııasy, 5 kún elektr stantsııasy jáne 1 gıdroelektr stantsııasy bar.
JEK-tiń elektr energııasyn óndirý qurylymyndaǵy úlesi 2025 jyldyń qorytyndysy boıynsha 7%-ǵa jetti. Qazaqstan bul kórsetkishti 2030 jylǵa qaraı 15%-ǵa deıin arttyrýdy josparlap otyr.
Elimiz taza energetıka sektoryn belsendi damytýda.
Salaǵa TotalEnergies, China Power, Masdar jáne China Energy sııaqty belgili halyqaralyq kompanııalar tartyldy.
-Uzaq merzimdi perspektıvada 2035 jylǵa deıin elde JEK-tiń 8 GVt-tan astam qýatyn engizý josparlanyp otyr. Bul jobalar ulttyq energetıkalyq júıeniń turaqtylyǵyn kúsheıtip, energetıkalyq qaýipsizdikti arttyrýǵa jáne energııa teńgerimin ártaraptandyrýǵa múmkindik beredi,-delingen habarlamada.
Osyǵan deıin Qazaqstanda quny 2 mlrd dollardan asatyn 7 «jasyl» joba júzege asatyny týraly jazdyq.
