Qazaqstanda jasandy túsik jasaý 3 ese tómendedi
ASTANA. QazAqparat - Qazaqstanda jasandy túsik jasaý 3 ese tómendedi. Bul týraly búgin QR Prezıdenti janyndaǵy Ortalyq kommýnıkatsııalar qyzmetinde ótken brıfıngte Akýsherlik, gınekologııa jáne perınatologııa ortalyǵynyń dırektory Talǵat Qudaıbergenov aıtty.
«2013 jyly shamamen 84 myń jasandy túsik jasalǵan bolatyn. Eger, ótken ǵasyrdyń 70-shi jyldaryndaǵy kórsetkishpen salystyrar bolsaq, ol kezde bala týýǵa qabiletti jastaǵy 1000 áıeldiń 180-i jasandy túsik jasatatyn. Al qazir bul kórsetkish 10 ese tómendedi. ıAǵnı, bala týýǵa qabiletti 1000 áıeldiń 18,4-i túsik jasatady», - dedi T.Qudaıbergenov.
Onyń atap ótýinshe, búginde jasandy túsik jasatý elimiz Táýelsizdik alǵan eleń-alań kezeńdegi kórsetkishten 3 esege tómendep otyr. Qazirgi ýaqytta áıelder medıtsınalyq túsikti bala týýǵa qabiletti 19-34 jasynda jasatady.
