Qazaqstanda jasandy ıntellektini qaýipti dep esepteı me

Búgin Úkimet otyrysynan keıingi baspasóz máslıhatynda Qazaqstannyń jasandy ıntellektige qatysty ustanymy boıynsha suraq qoıyldy. 

- Jasandy ıntellekt jaıly bizdiń eldiń ustanymy qandaı? Sizder jalpy osy jasandy ıntellekt qaýipti dep esepteısizder me?, - dep surady tilshiler. 

Óz kezeginde Ǵ. Baıtursynov vedomstvonyń bul sala boıynsha ustanymyn túsindirdi. 

- Bizdiń negizgi pozıtsııaǵa toqtalsaq, jasandy ıntellekt adamdy almastyra almaıdy, ıaǵnı adamnyń kómekshisi retinde jumys isteıdi. Bul degenimiz — mysalǵa, qandaı da bir jumysty alsaq, sol protsesti jedeldetý úshin nemese ózińniń bir atqarǵan jumysyńdy naqtylap tekserý úshin, sondaı-aq derekter kóp keletin bolsa, sol aqparatty aldyn ala bir fıltrden ótkizý úshin qoldanylatyn tetik retinde qarastyramyz, - dedi vıtse-mınıstr.

Onyń aıtýynsha, mınıstrlik jasandy ıntellektiniń damýyn qoldaıdy.

- Osy boıynsha kóptegen jumystardy qazirgi ýaqytta atqaryp jatyrmyz. Osy jyl «Jasandy ıntellekt jáne tsıfrlandyrý jyly» bolyp qabyldandy. Sol sebepti biz osy ustanymdamyz, - dedi Ǵızzat Baıtursynov.

Buǵan deıin habarlanǵandaı, Jasandy ıntellekt jáne tsıfrlyq damý vıtse-mınıstri jasandy ıntellektiginiń aqyly tarıfterin mektep oqýshylary men stýdentterge tegin jasaý múmkindigine qatysty pikir bildirdi.