Qazaqstanda jasandy ıntellekt jáne tsıfrlyq damý mınıstrligi qurylady
ASTANA. KAZINFORM — Memleket basshysy Qasym-Jomart Toqaev Úkimetke ekonomıkanyń barlyq salasyn jańǵyrtý úshin jappaı jasandy ıntellektini engizý qajettigin tapsyrdy.
— Qazirgi quzyrly mınıstrliktiń negizinde jasandy ıntellekt jáne tsıfrlyq damý mınıstrligin qurý qajet dep sanaımyn. Jańa mınıstrlikti Premer-mınıstrdiń orynbasary deńgeıindegi maman basqarýy qajet. Úkimet ekonomıkanyń barlyq salasyn jańǵyrtý úshin jappaı jasandy ıntellektini engizý qajet, — dedi Qasym-Jomart Toqaev Qazaqstan halqyna Joldaýynda.
Memleket basshysynyń málimdeýinshe, Qazaqstandy básekege qabiletti el retinde tanytamyz desek jumysty jańa tásilmen júrgizý kerek.
Buǵan deıin Prezıdent Qazaqstan úsh jyldyń ishinde jappaı tsıfrlyq el bolýy kerektigin aıtty.
Aıta keteıik, Joldaýdyń onlaın translıatsııasy Jibek Joly efırinde, sondaı-aq telearnanyń YouTube arnasynda júrip jatyr.
Kazinform saıty tikeleı efırmen qatar, jazbasha translıatsııa da jasaıdy.
Sondaı-aq Joldaý mátinin agenttiktiń telegram arnasynan oqýǵa bolady.