Qazaqstanda jasandy ıntellekt pen tsıfrlandyrýǵa 177 mlrd teńge bólindi
ASTANA. KAZINFORM – 2026 jyly Qazaqstanda jasandy ıntellekt pen tsıfrlandyrýdy damytýǵa 177,1 mlrd teńge qarastyrylǵan. Bul týraly QR Tsıfrlyq damý, ınnovatsııalar jáne aeroǵarysh ónerkásibi mınıstrligi Kazinform agenttiginiń resmı saýalyna bergen jaýabynda málim etti.
Vedomstvo málimetinshe, qarjy respýblıkalyq bıýdjetten bólinedi. Ol tsıfrlyq ınfraqurylymdy damytýǵa, jasandy ıntellekt tehnologııalaryn engizýge, óńirlerdi tsıfrlandyrýǵa, aýyldardy ınternetpen qamtýǵa jáne bilim berý salasyndaǵy tsıfrlyq sheshimderdi jetildirýge baǵyttalady.
— 2026 jylǵa arnalǵan respýblıkalyq bıýdjette jasandy ıntellekt pen tsıfrlandyrýdy damytýǵa mınıstrlikke 177,1 mlrd teńge kóleminde qarjy bólingen, — delingen jaýapta.
Mınıstrlik bul qarajat eldegi tsıfrlyq ekojúıeni damytýǵa jáne halyqtyń zamanaýı tehnologııalarǵa qoljetimdiligin arttyrýǵa jumsalatynyn atap ótti.
Aıta keteıik, buǵan deıin Qazaqstanda AI-startaptar men zertteýlerdi qoldaýdyń jańa baǵdarlamalary iske qosylatynyn jazǵanbyz.
