Elimizde jasandy ıntellekt pen startapty damytý boıynsha halyqaralyq ınnovatsııalyq hab qurylady
ASTANA. KAZINFORM – Premer-mınıstr Oljas Bektenov Network School halyqaralyq tehnologııalyq qoǵamdastyǵynyń negizin qalaýshy Baladjı Shrınıvasanmen kezdesti. Bul týraly Úkimettiń baspasóz qyzmeti habarlady.
Jıyn barysynda Aqmola oblysynda halyqaralyq ınnovatsııalyq hab quryp, ony keıinnen Alatau City-ge keńeıtý aıasynda jasandy ıntellekt, bilikti mamandar daıarlaý, tehnologııalyq kásipkerlikti damytý, startaptardy qoldaý baǵyttaryndaǵy yntymaqtastyq perspektıvalary qaraldy.
Sondaı-aq kezdesý barysynda Baladjı Shrınıvasannyń júlde qory qarastyrylǵan AI Film Festival festıvaline qatysý, sondaı-aq halyqaralyq AI & Digital Bridge forýmy aıasynda álemniń jetekshi tehnologııalyq kompanııalarynyń qatysýymen Network State Conference uıymdastyrý máseleleri talqylandy.
Kásipkerler, ázirleýshiler, ınjenerler men zertteýshilerdi tehnologııalyq jobalar boıynsha birlesip bilim alý jáne jumys isteý maqsatynda biriktiretin halyqaralyq qaýymdastyq – Network School-dyń negizgi tásilderi tanystyryldy. Qaýymdastyq qyzmeti bilim berý baǵdarlamalaryn, kovorkıng keńistikterin, konferentsııalar, hakatondar men akseleratsııalyq is-sharalar uıymdastyrýdy qamtıdy.
Baladjı Shrınıvasan Qazaqstandaǵy JI salasynyń áleýetine joǵary baǵa berip, jahandyq kapıtal men talanttardyń pýldarymen yntymaqtastyq ornatýdyń mol múmkindigi bar ekenin basa aıtty. Sonymen qatar Network School jobalary memlekettik qarjylandyrýdy tartpastan, jeke qarajat esebinen júzege asyrylyp jatqanyna erekshe nazar aýdaryldy.
Kezdesý barysynda ákimdikpen jáne jergilikti qoǵamdastyqpen birlesip Býrabaı aýlynda Network city tehnologııalyq qalashyǵyn qurý tujyrymdamasy usynyldy. Joba aıasynda tabıǵı landshaft pen qoldanystaǵy qala qurylysy sheshimderin eskere otyryp, modýldik ınfraqurylym salý kózdelip otyr.
Atalǵan alań jumys isteý, bilim alý jáne kásibı baılanys ornatý múmkindikterin biriktire otyryp, IT mamandary, kásipkerler men zertteýshiler úshin qolaıly jaǵdaı jasaıtyn tartymdy ortalyqqa aınalýy múmkin.
Oljas Bektenov elimizge halyqaralyq deńgeıdegi sarapshylyq áleýetti tartýdyń jáne álemdik tehnologııalyq qoǵamdastyqpen kásibı baılanysty keńeıtýdiń mańyzyn atap ótti.
Qazaqstannyń jańa Konstıtýtsııasynda adamı kapıtaldy, bilim berýdi, ǵylymdy, ınnovatsııalardy damytý memleket qyzmetiniń strategııalyq baǵyty retinde aıqyndalǵan. Elimizdiń damýyndaǵy jáne azamattardyń derbes derekterin qorǵaýdaǵy JI róline erekshe nazar aýdarylady.
Bıyl Memleket basshysynyń bastamasymen Tsıfrlandyrý jáne jasandy ıntellekt jyly bolyp jarııalandy. Qazirgi tańda elimizde Digital Qazaqstan tsıfrlyq transformatsııa men jasandy ıntellektini damytýdyń jalpyulttyq strategııasy júıeli túrde júzege asyrylyp jatyr.
Qazaqstanda tsıfrlyq ekonomıkany damytýǵa qajetti zamanaýı ınfraqurylym qalyptasyp jatyr. Іri bastamalardyń qatarynda – Astana Hub, Ekibastuzda júzege asyrylyp jatqan «DÓO alqaby» jobasy bar. Sonymen qatar Alem.ai halyqaralyq jasandy ıntellekt ortalyǵynyń bazasynda TUMO jáne Tomorrow School bilim berý baǵdarlamalary jumys istep jatyr.
Jıynǵa qatysýshylar yntymaqtastyq pen birlesken jobalardy júzege asyrý maman daıarlaýdyń qoldanystaǵy júıesin jetildirýge jáne aqparattyq tehnologııalardy damytý jónindegi jetekshi halyqaralyq alańdardyń biri retinde Qazaqstannyń ustanymyn nyǵaıtýǵa múmkindik beretinin atap ótti. Kezdesý qorytyndysy boıynsha Premer-mınıstr salalyq memlekettik organdarǵa jobany júzege asyrýǵa járdem kórsetýdi tapsyrdy.
Aıta keteıik, Oljas Bektenov avtobólshek óndirisiniń josparyn bir aıda ázirleýdi tapsyrdy.
