Qazaqstanda jasandy ıntellekt pen kásibı bilimdi ushtastyratyn jańa model synaqtan ótedi
ASTANA. KAZINFORM — Qazaqstanda jasandy ıntellektini naqty kásibı salalarmen ushtastyratyn mamandar daıarlaýdyń jańa AI+X modeli synaqtan ótkizile bastady. Alǵashqy joba Maqsut Narikbayev University bazasynda iske qosylyp, stýdentter AI tehnologııalarymen qatar qarjy, ekonomıka jáne bıznes-menedjment baǵyttaryn meńgeredi. Bul týraly Ǵylym jáne joǵary bilim mınıstrligi málim etti.
Vedomstvonyń málimetinshe, Memleket basshysy Qasym-Jomart Toqaev jarııalaǵan Tsıfrlandyrý jáne jasandy ıntellekt jyly aıasynda Qazaqstanda jasandy ıntellekt tehnologııalaryn naqty salalardaǵy kásibı bilimmen ushtastyratyn mamandar daıarlaýdyń jańa modeli synaqtan ótkizilip jatyr. Osy tásildiń alǵashqy mysaldarynyń biri — Maqsut Narikbayev University (MNU) iske qosqan Artificial Intelligence and Frontier Systems: AI+X bilim berý baǵdarlamasy.
Búgin MNU-da atalǵan baǵdarlamanyń resmı ashylý rásimi ótti. Іs-sharaǵa QR Prezıdentiniń kómekshisi Qýanyshbek Esekeev, QR Ǵylym jáne joǵary bilim mınıstri Saıasat Nurbek, MNU Basqarma tóraǵasy Talǵat Narıkbaev, ýnıversıtet oqytýshylary men stýdentteri qatysty. Іs-shara barysynda qatysýshylar bilim berý baǵdarlamasymen tanysyp, ýnıversıtettiń jasandy ıntellekt salasyndaǵy ázirlemeleri usynylǵan AI Agentic Lab zerthanasyna bardy.
AI+X modeli eki komponenttiń úılesimin bildiredi: AI — jasandy ıntellekt jáne X — naqty kásibı sala. ıAǵnı stýdent jasandy ıntellekt salasynda bilim alyp qana qoımaı, ony praktıkada qoldanatyn belgili bir baǵytty — mysaly, qarjy, ekonomıka, medıtsına, quqyq nemese ınjenerııa salalaryn meńgeredi.
Bul tásil eńbek naryǵynyń jańa talaptaryna sáıkes keledi. Qazirgi maman úshin daıyn AI quraldaryn qoldana bilý ǵana emes, sonymen qatar naqty kásibı mindetterdi sheshýge arnalǵan jasandy ıntellekt negizindegi sheshimderdi ázirleý jáne qoldaný mańyzdy.
— Búgin biz jasandy ıntellekt salasyndaǵy tereń bilimdi naqty salalardy túsinýmen ushtastyra alatyn mamandar daıarlaýdyń jańa modelin synaqtan ótkizýdiń alǵashqy praktıkalyq qadamyn jasap otyrmyz. Memleket basshysy Qazaqstandy tolyqqandy tsıfrlyq elge aınaldyrý jáne bilim men tehnologııaǵa negizdelgen ekonomıkany qalyptastyrý mindetin qoıdy. Osy maqsatta Mınıstrlik AI-bilim berýdi júıeli túrde damytyp keledi: barlyq joǵary oqý oryndarynda jasandy ıntellekt boıynsha pánder engizilip jatyr, tórt myńnan astam bilim berý baǵdarlamasy jańartyldy. Bul jumystyń negizgi baǵyttarynyń biri — ulttyq AI-Sana baǵdarlamasy. Onyń kelesi kezeńderi AI-agentterdi ázirleýge, prototıpteýge, salalyq mindetterdi sheshýge jáne bıznespen ózara is-qımyl jasaýǵa baǵyttalady. Sondyqtan búgin AI Agentic Lab zerthanasynyń ashylýynyń mańyzy zor, — dedi QR Ǵylym jáne joǵary bilim mınıstri Saıasat Nurbek.
Jańa tásilderdi synaqtan ótkizý maqsatynda MNU jáne AI Research University joǵary bilim berý salasyndaǵy eksperımenttik alań mártebesine ıe boldy. Úsh jylǵa, ıaǵnı 2026-2028 jyldarǵa eseptelgen eksperıment AI+X modelin, bilim berý protsesin uıymdastyrýdyń jańa formattaryn jáne tehnologııalardyń qarqyndy damýyn eskere otyryp mamandar daıarlaý tásilderin is júzinde synaýǵa múmkindik beredi.
Artificial Intelligence and Frontier Systems: AI+X baǵdarlamasy MNU, Seoul Cyber University, sondaı-aq otandyq tehnologııalyq kompanııalar Shai.pro jáne Alpha.Tech.Edu birlesip iske asyrady. Baǵdarlama jasandy ıntellekt boıynsha daıyndyqty kásibı mamandandyrýmen ushtastyrady. Stýdentter baǵdarlamalaý, derekterdi taldaý, mashınalyq jáne tereń oqytý, ıntellektýaldy júıelerdi jobalaý jáne AI sheshimderin ázirleý baǵyttaryn meńgeredi. Sonymen qatar úsh baǵyttyń birin — qarjy, ekonomıka nemese bıznes-menedjmentti tańdaıdy. Oqytý aǵylshyn tilinde júrgiziledi.
Baǵdarlamaǵa alǵashqy qabyldaý kezinde shamamen 70 stýdent qabyldandy.
Praktıkalyq daıyndyq AI Agentic Lab zerthanasynda júrgiziledi. Munda stýdentter men zertteýshiler zamanaýı jergilikti jasandy ıntellekt modelderin paıdalana otyryp, agenttik AI-júıeler ázirleıdi. Modelderdi ázirleý, oqytý jáne testileý úshin ýnıversıtette ónimdiligi 3 petaflops bolatyn jeke GPU parki quryldy.
AI+X modelin synaqtan ótkizý jasandy ıntellektini tek bilim berý baǵdarlamalaryna ǵana emes, ǵylymı zertteýlerge, ýnıversıtet ınfraqurylymy men basqarý júıesine de ıntegratsııalaýdy kózdeıtin AI-Enabled University tujyrymdamasyn qalyptastyrý jónindegi keń aýqymdy jumystyń bir bóligi.
Osylaısha, AI+X modeli jasandy ıntellekt tehnologııalaryn túsinip qana qoımaı, olardy naqty salalardyń mindetterin sheshýde qoldana alatyn jańa býyn mamandaryn daıarlaýǵa baǵyttalǵan.
Bul modeldi synaqtan ótkizý qazaqstandyq joǵary oqý oryndaryna tsıfrlyq ekonomıkaǵa qajetti kadrlardy daıarlaýdyń tıimdi tásilderin qalyptastyrýǵa jáne elimizdiń tehnologııalyq transformatsııasyn odan ári damytýǵa múmkindik beredi.
Aıta keteıik, buǵan deıin Qazaqstan men Úndistan quqyq qorǵaý salasyna qos dıplomdy mamandar daıarlaıtynyn jazdyq.
