«Qazaqstanda jasalǵan» taýarlar tizilimin qalyptastyrý boıynsha pılottyq joba bastaldy

«E-KTRM» tehnıkalyq retteýdiń aqparattyq júıesi sheńberinde «Qazaqstanda jasalǵan» taýarlar Tizilimin qalyptastyrý jáne júrgizý boıynsha fýnktsıonal quryldy, dep habarlaıdy QazAqparat QR Saýda jáne ıntegratsııa mınıstrliginiń baspasóz qyzmetine silteme jasap.

Baspasóz qyzmetiniń málimetterine qaraǵanda, fýnktsıonal qazaqstandyq taýar óndirýshilerge ózderi óndiretin taýarlardyń ataýlaryn kórsetilgen Tizilimge erikti bastamashylyq negizinde engizýge múmkindik beredi.

Búgingi tańda birneshe tanymal óndirýshiler Tizilimge engizilgen.

Kórsetilgen belgige jáne ony paıdalaný tártibine qoıylatyn talaptardy belgileıtin ulttyq standarttar ázirlenip qabyldandy. Óńirlerde Tizilimniń tanystyrý jumystary ótkizilip, ony engizý maqsattary túsindirildi.

«Búginde «Qazaqstanda jasalǵan» belgisin qazaqstandyq tutynýshylar otandyq óndiristiń sımvoly retinde moıyndap otyr. Alaıda ony josyqsyz paıdalaný faktileri bar. Osyǵan baılanysty dúkenderdi qoldaý sharalaryn keıinnen engizý maqsatynda Mınıstrlik pılottyq jobaǵa bastamashylyq jasap, onyń barysynda barlyq máseleler pysyqtalatyn bolady», - dep QR Saýda jáne ıntegratsııa mınıstrligi Tehnıkalyq retteý jáne metrologııa komıtetiniń tóraǵasy Qýanysh Elikbaev atap ótti.