Qazaqstanda jasalǵan SsangYong Rodius kóliginiń quny qansha bolatyny belgili boldy
ASTANA. QazAqparat - Qazaqstanda «Agromashholdıng» JShS bazasynda qurastyrylǵan SsangYong Rodius otbasylyq jol talǵamaıtyn kólik satylymǵa 10 aqpanda shyǵady, al onyń quny 5,45 mln teńgeden bastalady, dep habarlaıdy kompanııanyń baspasóz qyzmeti.
«Kóliktiń basty ereksheligi - onyń syıymdylyǵy men úlkendigi. Bes esikti Rodius kóligine 7 adam syıady, qosymsha oryndyqtar 3-qatarda yńǵaıly ornalasqan. Oryndyqtar túsirilgen kezde onyń júk salǵyshy 3000 lıtrge deıin úlkeıedi», - delingen zaýyt habarlamasynda.
Kólik barlyq zamanaýı tehnologııalarmen jabdyqtalǵan. Jańa SsangYong-tiń uzyndyǵy - 5,13 metr, eni - 1,915, bıiktigi - 1,815 metr. «AgromashHoldıng» zaýyty SsangYong Rodius-ti qazirgi ýaqytta 2 lıtrlik dızel qozǵaltqyshymen shyǵarýda.
