QAZAQSTANDA JASALǴAN: Qaraǵandyda jergilikti óndirýshiler ónimderiniń kórme-jármeńkesi ótti (FOTO)
Jergilikti saýda úıleriniń birinde ashylǵan aktsııany oblys ákimdigi men óńirlik kásipkerler palatasy uıymdastyrdy. Shara maqsaty - otandyq óndiris taýarlaryn nasıhattaý.
Kórme-jármeńkege 30-ǵa tarta jergilikti azyq-túlik ónimderi men halyq tutynatyn taýarlar óndirýshiler qatysty. Onda nan-bólke, kondıter, shujyq, balyq, sút, kókónis ónimderi usynyldy. Sondaı-aq qus fabrıkasy men margarın zaýyty óz ónimderin qoıdy.
Kelýshiler jergilikti óndirýshiler ónimderiniń dáinm tatyp, onyń sapasyn anyqtady.
Kórmede tóek-oryn, uıyq jáne mata buıymdary, úıdi jóndeýge qajetti taýarlar boldy. Qaraǵandy aıaq kıim fabrıkasy er adamdardyń aıaq kıimderin saýdaǵa shyǵardy.
Uıymdastyrýshylardyń aıtýynsha, búginde oblys qalalary men aýdandarynda «Qazaqstandyq taýardy satyp al» aktsııasyna 160-tan astam dúken qatysýda. Saýda oryndarynda otandyq óndiris taýarlarynyń sóreleri jasaqtalǵan, qazaqstandyq taýarlardyń logotıpteri ilingen.
