Qazaqstanda jasalǵan elektr kólikterdiń qanshaǵa satylatyny aıtyldy
ASTANA. QazAqparat - Qazaqstanda qurastyrylatyn JAC iEv7S elektrokarlarynyń baǵasy shamamen 7,5 mln teńgeden bastalady. Bul týraly «SaryarqaAvtoProm» JShS dırektorynyń tehnıkalyq damý jónindegi orynbasary Sergeı Mogılatov aıtty, dep habardaıdy QazAqparat kolesa.kz silteme jasap.
Qazaqstanda qurastyrlatyn iEv7S elektromobılderi Qytaıdyń JAC markasynyń negizinde jasalǵan. Іs júzinde bul krossover NEDC tsıklimen 280 shaqyrymǵa deıin toqtamaı júre alady. Eger jyldamdyqty 60-tan asyrmasa 350 shaqyrymǵa deıin barýǵa bolady. Al avtokólik batareıasyn tolyq qýattaý úshin shamamen 7 saǵat ýaqyt qajet eken.
Sergeı Mogılatovtyń aıtýynsha, 2018 jyldyń aıaǵyna deıin Qostanaıda 500 elektromobıl qurastyryp shyǵarý josparlanǵan. Kóliktiń baǵasy shamamen 7,5 mln teńgeden bastalady. Atalǵan kólikterdiń jalpy satylymǵa dál qaı kezde shyǵatyny ázirge belgisiz.
