QAZAQSTANDA JASALǴAN: «Astana elektrotehnıkalyq zaýyty» bir jylda 1 mlrd-tan astam teńgeniń ónimin shyǵardy
«Astana elektrotehnıkalyq zaýyty» 2012 jyldyń sáýirinde iske qosylǵan bolatyn. Kásiporyn Qazaqstanda 2008 jyldan beri jumys istep kele jatqan «EnergoStroıTehKom» kompanııalar tobyna kiredi. Kompanııa elektr qalqandar óndirýshi retinde «Samuryq-Qazyna» AQ reestirine engen. Osy kúnge deıin kásiporyn 608 birlik ónim shyǵardy, al 2014 jyly 1 mlrd 200 mln. teńgege elektrotehnıkalyq buıymdar jasaǵan. Óndiris ónimderi Qazaqstannyń barlyq aımaqtaryna jáne ekonomıkanyń barlyq salalaryna jetkiziledi. astana.gov.kz saıtyna bergen suhbatynda «Astana elektrotehnıkalyq zaýytynyń» atqarýshy dırektory Asylhan Manatov qazirgi kezde kásiporyn ónimderiniń eksportqa shyǵarylǵanyn aıtqan. «Ústimizdegi jyly ózbekstandyq kompanııamen kelisimshart jasastyq, sonyń negizinde eki transformatorlyq shaǵyn stantsııany jetkizemiz. Ózbekstanda Samarqand qalalyq sý arnasyn qalpyna keltirý boıynsha jumystar júrgizilip jatyr. Bul bizdiń birinshi eksportymyz. Kelesi aptada atalǵan ónimdi jetkizemiz dep oılaımyn», - deıdi A.Manatov. Elordada atalǵan kásiporynnyń ónimderi joǵary suranysqa ıe jáne «Bazıs-A», «BI Group», «Stroıklass», «IT Injınırıng», «Nur Astana Qurylys» syndy birqatar iri kompanııalar zaýyt óndiretin sapaly ónimdi satyp alyp otyr.
