Qazaqstanda jasalǵan apparat arqyly júrek otasynyń baǵasy arzandaıdy
ASTANA. QazAqparat - Nazarbaev Ýnıversıtetiniń ǵalymdary AQSh-taǵy áriptesterimen birlese otyryp, júrekke operatsııa jasaý boıynsha medıtsınalyq jabdyqty óndirýde. Bul týraly búgin Ortalyq kommýnıkatsııalar qyzmetindegi brıfıngte «Nazarbaev Ýnıversıtetiniń» Innovatsııalar boıynsha vıtse-prezıdenti Qanat Baıǵarın málim etti.
Onyń sózine qaraǵanda, byltyrǵy jeltoqsanda Ulttyq ǵylymı kardıohırýrgııalyq ortalyqta osy jabdyqpen qanatqaqty túrde operatsııa jasaldy. Bul operatsııa sol kezde sátti ótken eken.
Atap aıtqanda, bıyl taǵy da birneshe operatsııany jasaý josparlanyp otyrǵan kórinedi. Osy medıtsınalyq jabdyqtyń óndirisi Nazarbaev Ýnıversıtetiniń tehnologııalyq parki bazasynda aldaǵy jyldyń orta kezinde iske qosylatyn bolady. «Onyń quny jabdyq óndirisin iske qosqannan keıin aıqyndalady. Alaıda, bul jabdyqpen jasalatyn operatsııa baǵasy búginde jasalyp jatqan baǵaǵa qaraǵanda ondaǵan ese arzan bolady»,-dedi Baıǵarın. Osy oraıda, ol ǵalymdardyń jasap shyǵarǵan bul apparatyn Qazaqstannyń klınıkalarymen qatar, kórshiles elderdiń de medıtsınalyq mekemeleri paıdalanatyndyǵyn atap ótti.
