Qazaqstanda jas sarapshylarǵa arnalǵan Jastar Research Hub jobasy bastaldy
ASTANA.KAZINFORM - «Jastar» ǵylymı-zertteý ortalyǵynyń Jastar Research Hub atty jańa jobasy bastaldy. Bul bastama jastardyń analıtıkalyq oılaý qabiletin jetildirip, jas sarapshylar qataryn qalyptastyrýdy kózdeıdi.
Jobaǵa qatysýǵa magıstratýra men doktorantýrada oqıtyn stýdentter shaqyrylady. Ótinim qabyldaý 2026 jylǵy 4 mamyr men 4 maýsym aralyǵynda júrgiziledi. Іrikteý qorytyndysy boıynsha memlekettik organdar men áleýmettik sala ókilderi qatysatyn komıssııa jobanyń 20 qatysýshysyn anyqtaıdy.
Qatysýshylar 15-19 maýsym aralyǵynda QR Prezıdenti janyndaǵy Memlekettik basqarý akademııasynda uıymdastyrylatyn bir aptalyq oqý baǵdarlamasynan ótedi. Oqytý barysynda qatysýshylar analıtıkalyq jáne zertteý daǵdylaryn jetildirip, naqty mysaldar negizinde jumys isteýdi meńgeredi.
Mádenıet jáne aqparat mınıstrligi málimetinshe, joba aıasynda qatysýshylarǵa aldaǵy ýaqytta da qoldaý kórsetilip, úzdik jumystar memlekettik organdarǵa usynylady.
Zertteý taqyryptary kelesi baǵyttardy qamtıdy:
• Jastar saıasaty, ınfraqurylym, utqyrlyq jáne týrızm;
• Tsıfrlyq tehnologııalar jáne jasandy ıntellekt;
• Memlekettik basqarý;
• Mádenı dıplomatııa jáne kreatıvti ındýstrııa;
• Óńirlik saıasat jáne qoǵamdyq kóńil-kúı;
Tolyq aqparat jáne ótinim berý tártibin kelesi silteme arqyly bilýge bolady.
