Qazaqstanda jas otbasylar festıvali ótedi

ASTANA. QazAqparat - QR Din isteri jáne azamattyq qoǵam mınıstri Nurlan Ermekbaevtyń aıtýynsha, búginde jastardy áleýmettendirý men praktıkalyq daǵdylaryn damytýǵa arnalǵan jalpyulttyq jastar jobasy ázirlenip jatyr. Atalǵan bastama úlken jobaǵa aınalýy ábden múmkin, dep xabarlaıdy QazAqparat tilshisi.

«Sonymen qatar, ulttyq bolmysty saqtaý jáne dástúrli qundylyqtardy nasıxattaý maqsatynda «Birge ómir súrý!» jastar festıvali uıymdastyrylatyn bolady. Oǵan jas otbasylar qatysady», - dedi mınıstr Ermekbaev búgin Úkimette ótken baspasóz máslıxatynda.

Mınıstrdiń aıtýynsha, jas otbasylardy qoldaý men bala tárbıesi jastar saıasatynyń basty baǵyty bolyp qala beredi. Budan bólek, aýyl jastarynyń ýaqytyn tıimdi uıymdastyrý máselesine basa nazar aýdarylady. «Bıyl jastar salasyndaǵy úkimettik emes uıymdarǵa alǵash úsh grant qarastyrylady. Onyń jalpy somasy 30 mln teńge. Ol aqsha arnaıy jastar uıymdaryna bólindi», - dep atap kórsetti Ermekbaev.

Aıta keteıik, baspasóz máslıxatynda mınıstr «Daryn» memlekettik jastar syılyǵynyń eki jylda bir ret emes, jyl saıyn beriletinin taǵy bir márte eske saldy.