Qazaqstanda jas mamandardy kásibı damytýǵa baǵyttalǵan tyń joba bastaldy
Búgin jastar saıasaty salasyndaǵy respýblıkalyq jáne óńirlik basqarý kadrlaryn kásibı qoldaý maqsatynda «Kásibı damý akademııasy» jobasy bastaý aldy.
QR Aqparat jáne qoǵamdyq damý vıtse-mınıstri Asqar Omarov jas kadrlardy qoldaý úshin kásibı alańdardyń mańyzyn atap ótti.
«Adamı kapıtaldy damytýǵa salynǵan ınvestıtsııa - ulttyń básekege qabilettiligin arttyrýdyń basty quraldarynyń biri», - dedi A.Omarov.
Biliktilikti arttyrý bilim baǵdarlamasynyń 10 kúni ishinde koých-sessııalar, oqytýshy saǵattary jáne tájirıbelik sabaqtar ótkiziledi.
Onyń barlyǵy jastarmen jumys isteýde kásibı daǵdylardy jetildirýge baǵyttalǵan.
Іs-sharaǵa jastar resýrstyq ortalyqtarynyń qyzmetkerleri, basshy retindegi tájirıbesi bar óńirlik memlekettik qyzmetshiler qatysty.
Birinshi kúni Qazaqstandaǵy Halyqaralyq bıznes-trenerler mektebiniń ókili Lıýdmıla Serekbaeva qatysýshylarǵa qazirgi zamanǵy kóshbasshylardyń qalyptasýy men qajetti daǵdylary, sondaı-aq komandany basqarý erekshelikteri týraly egjeı-tegjeıli aıtyp berdi.
«Kásibı damý akademııasy» jobasy «Jastar» ǵylymı-zertteý ortalyǵy, QR Prezıdenti janyndaǵy Memlekettik basqarý akademııasy, «Rýhanı jańǵyrý» Qazaqstandyq qoǵamdyq damý ınstıtýty jáne «Nur Otan» partııasy janyndaǵy Saıası menedjment mektebi arasyndaǵy ózara is-qımyldyń nátıjesi boldy.
Іs-shara barlyq sanıtarlyq-epıdemıologııalyq sharalardy, sonyń ishinde «Ashyq» baǵdarlamasyn qoldaný jaǵdaıynda ótti.
