Qazaqstanda jarty mıllıon sharshy shaqyrym aýmaqta ken barlaý jumystary júrgizilmek

NUR-SULTAN. QazAqparat – QR Ekologııa, geologııa jáne tabıǵı resýrstar vıtse-mınıstri Serikqalı Brekeshev «Qazaqstandyqtardyń ál-aýqatyn arttyrýǵa baǵyttalǵan turaqty ekonomıkalyq ósý» baǵdarlamasynyń aıasynda qansha aýmaqta ken barlaý jumystary júrgiziletinin atady, dep habarlaıdy QazAqparat.

«Ulttyq joba aıasynda 500 myń sharshy shaqyrymnan astam aýmaqta tıisti jumystar júrgiziletin bolady. Sonyń arqasynda biz geologııalyq barlaý jumystarynyń odan arǵy satylaryn qoıý úshin shamamen 295 perspektıvaly jobany anyqtaýdy josparlap otyrmyz. Sondaı-aq, Ulttyq geologııalyq qyzmetti qurý mańyzdy bolyp otyr. Onyń aıasynda biz besjyldyq ınvestıtsııalyq jobalar pýlyn usynýdy josparlap otyrmyz. Meniń oıymsha, 20-dan astam osyndaı jobany qolǵa alýǵa bolady. Ken barlaý isine ınvestıtsııa osy jobalar arqyly tartamyz», - dedi Serikqalı Brekeshev OKQ brıfınginde.

Vıtse-mınıstrdiń sózine qaraǵanda, atalmysh jobany iske asyrý úshin aldaǵy bes jylda shamamen 165 mlrd teńge bıýdjet qarjysy kerek bolady. Sonyń esebinen 950 mlrd teńge ınvestıtsııa tartýǵa bolady.

«ıAǵnı, árbir bıýdjet teńgesine shamamen 4-5 teńge jeke ınvestıtsııa tartamyz», - dedi Serikqalı Brekeshev.

Atalmysh sharada vıtse-mınıstr Torǵaı, Ertis, Aral aýmaǵynda munaı qoryn barlaý jumystary júrgiziletinin aıtty.

«Búgingi kúni elde óndiriletin munaı men gazdyń barlyq kólemi 5 basseınde ıgeriledi. Olardyń ishinde Kaspıı mańynyń úlesi orasan. Barlyq rersýrstyq bazanyń shamamen 80%-y Kaspıı mańyna tıesili. Soltústik Torǵaı, Ertis óńiri, Aral, Syrdarııa, Shý-Sarysý basseınderiniń de áleýeti zor dep esepteledi. Biraq bul basseınder az zerttelgen. Olardyń naqty áleýetin zerdeleý úshin ınvestorlardy tartyp, memlekettik qoldaý kórsetý qajet», - dedi Serikqalı Brekeshev.