Qazaqstanda jarmanyń baǵasy arzandady
ASTANA. QazAqparat - Qazaqstanda azyq-túlik taýarlarynyń baǵasy ótken jyldyń osy kezeńimen salystyrǵanda 5,7% ósken, dep habarlaıdy QazAqparat QR Ulttyq ekonomıka mınıstrliginiń Statıstıka komıtetine silteme jasap.
Eseptik kezeńde alkogoldi sýsynnyń baǵasy 10,9%, sút ónimderi - 9,3%, balyq jáne teńiz ónimderi - 6,8%, kondıterlik ónimder, toqash, unnan jasalǵan ónimder - 5,8%, qant - 3,4%, kofe, shaı jáne kakao, nan - 1,8%, makaron ónimderi - 2,3%, jemis-jıdek pen kókónis - 1,3%, un - 0,9% qymbattaǵan, al jarmanyń baǵasy 11,8% arzandaǵan.
Et pen et ónimderiniń baǵasy 6,9% joǵarylaǵan. Onyń ishinde, jylqy eti - 9,5%, shujyq ónimderi - 7,5%, sıyr eti - 7,3%, shoshqa eti - 7,1%, qoı eti - 5,9% qymbattaǵan.
