Qazaqstanda jarma men qanttyń baǵasy arzandady
ASTANA. QazAqparat - Qazaqstanda 2018 jyldyń mamyrynda 2017 jyldyń mamyrymen salystyrǵanda azyq-túlik taýarlarynyń baǵasy 5,1% ósken, dep habarlaıdy QazAqparat QR Ulttyq ekonomıka mınıstrliginiń Statıstıka komıtetine silteme jasap.
Esepti kezeńde alkogoldi sýsynnyń baǵasy 11,5%, sút ónimderi - 10,4%, balyq jáne teńiz ónimderi - 8%, kondıterlik ónimder - 7,8%, toqash, unnan jasalǵan ónimder - 6,3%, kofe, sháı jáne kakao -2,5%, makaron ónimderi - 2,2%, jemis-jıdek pen kókónis - 1,3%, nan - 0,7%, un - 0,5%, qymbattaǵan, al jarmanyń baǵasy 18 %, qant - 8,3 % arzandaǵan.
Et pen et ónimderiniń baǵasy 8% joǵarylaǵan. Onyń ishinde, sıyr eti - 9,6%, jylqy eti- 8,9%, shujyq ónimderi 8,1%,, shoshqa eti - 7,8%, qoı eti - 6,9%, qus eti - 1,9% qymbattaǵan.
