Qazaqstanda jarııalanǵan sýret baıqaýyna altyn jalatylǵan týyndylar usynyldy

Bul baıqaýdyń maqsaty óz eline degen patrıottyq sezim men súıispenshilikti nasıhattaýǵa negizdelgen. Osy sebepten Respýblıkalyq saılaýaldy shtabta tańerteńnen bastap merekelik qyzý daıyndyq jumystary bastalyp ketti. Buǵan saılaýaldy shtabtyń músheleri, sondaı-aq partııanyń jastar qanatynyń ókilderi qatysty.

Depýtattyqqa kandıdattar, partııa múshesi Roza Qýanyshbaeva men partııanyń Jambyl fılıalynyń tóraǵasy Asqar Syzdyqov jýrnalısterdi saıası uıymnyń resmı saıtynda ornalastyrylǵan konkýrs erejesimen tanystyrdy, sondaı-aq oǵan alǵashqy tórt qatysýshy týraly áńgimelep berdi. Jiberilgen jumystar partııalyqtardy óziniń áralýandyǵymen qýantty. Olarda qala peızajy, týǵan jerdiń jazıraly dalasy, ata-babalarymyzdyń turmysy men salty beınelengen. Qatysýshylar úırenshikti maıly boıaýlardy da, sondaı-aq ádettegiden tys materıaldar: aǵash qabyǵy, kenep jipti, altyndy da paıdalanǵan.
Atap aıtqanda, osy eńbekterdiń arasynda Qazaqstan Sýretshiler odaǵynyń múshesi Gúlmaral Tatybaevanyń sýretteri erekshe kózge túsip otyr. Ol óz týyndysynda altyn jalatylǵan elementterdi paıdalanǵan. Partııa músheleri partıottyqty nasıhattaıtyn konkýrsqa barynsha zor kóńil bólýdi josparlap otyr, qazaqstandyqtardyń qoldaýyn jáne belsendi qatysýyn kútedi.
«Keler urpaqqa tabıǵaty lastanbaǵan taza Qazaqstandy qaldyrý qajet, sondyqtan ekologııa týraly oılanýymyz qajet», - deıdi «Birlik» partııasynyń múshesi Roza Qýanyshbaeva.
«Otanym meniń-Moıa strana» konkýrsyna kez kelgen nıet bildirýshi qatysa alady. Konkýrsty ótkizý týraly egjeı-tegjeıli ereje jalpyǵa birdeı qoljetimdi, ıaǵnı ony partııanyń resmı saıtynan qaraýǵa bolady.Jeńimpazdy arnaıy komıssııa anyqtaıdy, komıssııanyń quramyna QR Parlamenti Májilisiniń depýtattyǵyna kandıdattar men sarapshy sýretshiler kiredi. Konkýrs qorytyndysy boıynsha úzdik dep tanylǵan jumys 11 naýryzda jarııa etiledi jáne partııanyń resmı saıtyna ornalastyrylady.