Qazaqstanda jarǵylyq qory 15 mlrd. teńge quraıtyn kepildendirilgen turǵyn úı qurylys qory qurylady
ASTANA. QazAqparat - Qazaqstanda kepildendirilgen turǵyn úı qurylys qory qurylmaq. Bul týraly búgin Məjiliste tıisti zań jobasyn tanystyra otyryp Ulttyq ekonomıka vıtse-mınıstri Qaıyrbek Óskenbaev məlim etti.
Qordyń jarǵylyq kapıtalyn qurýǵa bıýdjetten 15 mlrd. teńge bólinedi. Qordyń negizgi maqsaty - qurylys salasyndaǵy qazirgi təýekelderdi azaıtý jəne úleskerlerdiń quqyǵyn qorǵaý.
«Qazir biz qurylys kompanııalarynyń úleskerler aldyndaǵy jaýapkershiligin kúsheıtý úshin jańa tetik engizdik. ıAǵnı, ol mehanızm qurylys kompanııalaryn nysandy tolyq salyp bitirýge mindetteıdi. Eger qurylys kompanııasy bul jaýapkershilikten qashsa, onda qor qurylysty aıaqtaý mindetin moınyna alyp, sizderdiń (úleskerlerdiń) pəterin aıaqtap beredi. Bizdiń basty mindet osy», - deıdi Q.Óskenbaev.
Al qordyń jarǵylyq kapıtalyna toqtalǵan vıtse-mınıstr: «Qordyń jarǵylyq kapıtaly bıýdjetten alynady, 15 mlrd. teńgeni quramaq. Əzirge, osy qarjy jetkilikti dep oılaımyz. Bul soma shamamen 300 mlrd. teńge bolatyn qurylysty salýǵa jetkilikti», - dep atap ótti.
