Qazaqstanda jaratylystaný pánderin oqytýda 3D tehnologııasy qoldanylýda
ASTANA. QazAqparat - Sońǵy jyldary Qazaqstandaǵy bilim berý salasyn damytýǵa kóp kóńil bólýde. Bul baǵyttaǵy qadamdardyń biri jaratylystaný salasynda «Interactiv Kazakhstan» JShS ázirlegen 3D oqytý-ádistemelik keshenin paıdalaný bolyp tabylady.
"Bizdiń ónim «Designmate» úndi kompanııasynyń baǵdarlamalyq qamtamasyz etýi negizinde jasalǵan. Qazirgi ýaqytta biz aǵylshyn tilinen orys tiline fızıka, hımııa jáne bıologııa boıynsha 300 taqyryp, qazaq tiline - 100 taqyryp aýdardyq. Bul elimizdiń bilim men ǵylym salasyna úlken paıda ákeledi", - dedi "Interactiv Kazakhstan" JShS bas dırektory Nurlan Quraqbaı.
Onyń sózine qaraǵanda, mundaı beınematerıaldar oqýshylardyń jaratylystaný ǵylymdaryna degen qyzyǵýshylyǵyn arttyryp, fızıkalyq, hımııalyq jáne bıologııalyq úrdisterdi jaqsy túsinýlerine kómektesedi. "Bul keshen Ońtústik Qazaqstan oblysynyń birqatar aýdandarynda qoldanylýda. Sonymen birge ol respýblıkalyq "Jas daryn" mektepteriniń konferentsııasynda tanystyrylyp, pedagogtar qaýymynyń zor qyzyǵýshylyǵyn týdyrdy", - dep atap ótti N.Quraqbaı.
3D oqytý-ádistemelik kesheni 3D-jobalaý, oqytý quraldary, ınteraktıvti taqta, 3D kózildirikter men zamanaýı jeke kompıýterden turady.
