Qazaqstanda jappaı sıpattaǵy adam saýdasy joq - T. Ábishev
«Atap aıtqanda, Qazaqstanda jappaı sıpattaǵy adam saýdasy joq. Alaıda is júzinde adam saýdasy boıynsha faktiler kezdesip jatady. Bas prokýratýranyń málimetinshe, seksýaldyq, eńbek jáne basqa da maqsattarda paıdalanýda adam saýdasy faktileri baǵytynda jyl saıyn 40-tan astam qylmystyq is qozǵalady. Bul ister sotqa deıin jetkizilip, oǵan qatystylar laıyqty jazasyn alyp jatyr»,-dedi ol. QR Prezıdenti janyndaǵy Adam quqyqtary jónindegi komıssııa Kóshi-qon jónindegi halyqaralyq uıymnyń, úkimettik emes uıymdardyń, memlekettik organdardyń qatysýymen adam saýdasymen kúrestiń ózekti máseleleri boıynsha arnaıy baıandama ázirleýde. «Adam saýdasynyń qurbany bolǵan adamdar árdaıym áleýmettik qyzmetterge qol jetkize almaıdy. Bul medıtsınalyq kómek alý, ekologııalyq, pedagogıkalyq, sondaı-aq zańgerlik kómekter. Osy máseleler óte mańyzdy. Adam saýdasy qurbandaryna áleýmettik kómek berý standarttaryn qabyldaý turǵysynda tıisti usynystar daıarlanatyn bolady»,-dedi ol. T. Ábishevtiń sózine qaraǵanda, usynystar ókiletti memlekettik organdardyń qaraýyna jiberiledi. Osydan keıin, komıssııa ony arnaıy baıandama arqyly Qazaqstan Prezıdentine tanystyrady.
