Qazaqstanda japonnyń «MINISTOP» saýda belgisindegi táýlik boıy jumys jasaıtyn dúkender jelisi ashylady
ALMATY. 14 maýsym. QazAqparat - Ońtústik Koreıa, Qytaı, Fılıppın, Vetnam elderinde «MINISTOP» dúkender jelisin ashqan «MINISTOPJAPAN» kompanııasy endi Qazaqstan naryǵyna enbek.
1980 jyldan beri bólshek saýda naryǵynda jumys jasaıtyn bul kompanııa Japonııadaǵy eń iri holdıngterdiń qataryndaǵy ÆON Group kompanııalar tobyna kiretin 180-nen astam rıteıl kompanııalardyń biri. Qazirgi tańda «MINISTOP» dúkender jelisi 4200 dúkennen turady. Onyń 2 103-i Japonııada, 2 097-si shet elderdegi fılıaldarda. Endi shet eldik fılıaldardyń qataryna «RTS-MINISTOP» franchaızıngtik jobasy boıynsha Qazaqstan da qosylmaq.
«MINISTOP» saýda belgisiniń ıesimen bolǵan kelissóz 1 jyldan astam ýaqytqa sozyldy. Sonyń nátıjesi boıynsha 11 mamyrda qazaqstandyq «RTS Ltd» men japondyq ««MINISTOPJAPAN» jáne «Senko» kompanııalary birlesken «RTS-MNISTOP» JShS-in qurdy. Burnaǵy kúni bul seriktestiktiń alǵashqy jalpy aktsıonerler jınalysy ótkizildi. Onda terrıtoııalyq franchshız kelisim-shartqa qol qoıyldy. Kelisim boıynsha «RTS -MINISTOP» Qazaqstandaǵy sýb-franchaızıng dýkenderin ashý quqyn alyp, «MINISTOP» dúkender jelisin damytýdy bastaıdy», - deıdi «RTS-MINISTOP» JShS-niń Basqarma tóraıymy Baıan Qospenbetova. Onyń aıtýynsha, Qazaqstanda bul dúkenderdiń kólemi 80-120 sharshy metr kóleminde bolmaq. Bul saýda oryndary aptanyń barlyq kúni táýlik boıy úzdiksiz jumys jasaıdy.
