Qazaqstanda janjalqoı jolaýshylarǵa ushaqpen ushýǵa tyıym salynýy yqtımal
Onyń aıtýynsha, reseılik tájirıbe boıynsha, destrýktıvti jolaýshylar "qara tizimge" engiziledi. Áýekompanııalary ondaı jolaýshylardy ushaqqa kirgizbeýge quqyly.
"Bul taqyryp Qazaqstanda ǵana emes, Reseıde de ózekti. Osy jaqynda ǵana Reseıde jazany kúsheıtý týraly usynys jasaldy. Tipti ondaı janjalqoı jolaýshylardy ushaqqa kirgizbeıtin kezder de anyqtaldy. Bul óte tıimdi shara", - dep atap ótti prokýror.
QR Bas kólik prokýratýrasynyń ekonomıkalyq-áleýmettik sala boıynsha zańdylyqty qadaǵalaý basqarmasynyń basshysy Almas Amanovtyń xabarlaýynsha, qazirgi ýaqytta ushaqta janjal shyǵaratyndar sany artýda. Bul óz kezeginde ushaqtaǵy ózge azamattarǵa kedergi keltiredi. Eń bastysy ushaqtyń ushý kezindegi qaýipsizdigine nuqsan keledi.
"Áýekompanııalarda ushý barysynda shý shyǵaryp, janjal jasaǵan jolaýshylardy tasymaldaýdan bas tartýǵa quqyǵy bar. Alaıda bul oqıǵalardyń aldyn alý boıynsha naqty krıterııler joq. Nátıjesinde mundaı oqıǵalarmen olar betpe-bet kelýge májbúr", - deıdi A. Amanov.
