Qazaqstanda janýarlar álemin avıatsııalyq sholǵyndaý aımaǵy keńeıedi
ASTANA. QazAqparat - QR Aýyl sharýashylyǵy mınıstrligi janýarlar álemin avıatsııalyq sholǵyndaý aımaǵyn keńeıtedi. Bul jaıynda Parlament depýtattarynyń resmı saýalyna jaýap bergen eks-Premer-Mınıstr Baqytjan Saǵyntaev atap ótti, dep habarlaıdy QazAqparat tilshisi.
«Qazirgi ýaqytta Aýyl sharýashylyǵy mınıstrligi Batys Qazaqstan, Qyzylorda jáne Túrkistan oblystarynyń aýmaqtaryn qosý arqyly avıatsııalyq sholǵyndaý aımaǵyn keńeıtý úshin avıatsııalyq qorǵaý jónindegi normatıvtik jumysty ázirlep jatyr», - dep atap ótedi burynǵy Úkimet basshysy.
Onyń aıtýynsha, Orman sharýashylyǵy jáne janýarlar álemi aýmaqtyq ınspektsııalaryn materıaldyq-tehnıkalyq jabdyqtaý máselesi respýblıkalyq bıýdjettiń múmkinshiligine qaraı ret-retimen júzege asyrylady.
«Máselen, 2019-2021 jyldarǵa arnalǵan respýblıkalyq bıýdjette Aýyl sharýashylyǵy mınıstrligine mynadaı aqsha qarajattary qarastyrylǵan: 123 mln gektar aýmaqtaǵy 44 utqyr topqa kıikter men tuıaqty janýarlardyń sırek kezdesetin jáne joıylyp bara jatqan túrlerin qorǵaý ári sanaq júrgizýge - 2,5 mlrd teńgeden astam; orman sharýashylyǵy jáne janýarlar álǵemi salasyndaǵy 27 vedomstvoǵa baǵynyshty memlekettik uıymdar men mekemelerdi materıaldyq-tehnıkalyq jabdyqtaýǵa 1,7 mlrd teńgeden astam», - dedi B.Saǵyntaev.
