Qazaqstanda jańbyrlatyp sýarý qondyrǵysyn shyǵaratyn zaýyt salynady
ASTANA. QazAqparat - Qazaqstanda jańbyrlatyp sýarý qondyrǵysyn shyǵaratyn zaýyt salynady. Aýyl sharýashylyǵy mınıstriniń Qytaıǵa jasaǵan jumys saparynyń nátıjesinde osyndaı ýaǵdalastyqqa qol jetti, dep habarlaıdy «Habar 24».
Óndiris oryny «Qorǵas – Shyǵys qaqpasy» arnaıy ekonomıkalyq aımaǵy bolyp bekitildi. Alǵashqy kezeńde kásiporyn jylyna 400 qondyrǵy shyǵarady.
Mınıstr Erbol Qarshókeevtiń aıtýynsha, elimiz 2030 jylǵa deıin ıntensıvti sýarý júıesin qoldanatyn egistik aýmaǵyn 2,5 ese arttyrýdy kózdeıdi. Bul shamamen 750 myń gektar jer. Al bul kórsetkishke qol jetkizý úshin Qazaqstanǵa ozyq tehnologııalar qajet.
«Biz Qytaı boıynsha jańbyrlatyp sýarý jabdyqtaryn shyǵaratyn eń iri kompanııa sanalamyz. Ónimimiz álemniń 26 eline eksporttalady. Qazaqstanda ashylatyn kásiporynnyń arqasynda biz bolashaqta Ortalyq Azııa men Reseı naryǵyna shyǵa alamyz. Jalpy, qazaqstandyq aýyl sharýashylyǵy tehnıkasy naryǵynda sapaly ónim paıda bolýy úshin barymyzdy salýǵa daıynbyz», - deıdi jańbyrlatyp sýarý júıesin shyǵarýshy kompanııanyń prezıdenti Chjoý Chjango.
Sapar kezinde taýar aınalymyn arttyrý men otandyq aýyl sharýashylyǵy ónimderin eksporttaý jaǵy da talqylady. Máselen, byltyr ekijaqty alys-beris 61 paıyzǵa artyp, 900 mıllıon dollardan asty. Otandyq ónim eksporty eki ese ulǵaıdy. Sondyqtan qazaqstandyq tarap kelissózder barysynda eksporttaýshy kompanııalar men ónim tizimin ulǵaıtýǵa erekshe mán berdi.
«Búgin jumys tobyn qurýǵa kelistik. Qazaqstan men Qytaı arasynda memleketaralyq komıtet bar. Sonyń ishinde aýyl sharýashylyǵymen aınalysatyn arnaıy jumys tobyn quratyn bolyp kelistik. Bul platforma barlyq máseleni jyldam ári jeńil sheshýge múmkindik beredi. Jalpy kezdesý jemisti boldy dep oılaımyn», - deıdi QR Aýyl sharýashylyǵy mınıstri Erbol Qarashókeev.
