Qazaqstanda jańbyr jaýyp, jel kúsheıedi, tuman túsip, kóktaıǵaq bolady
ASTANA. QazAqparat - Qazaqstan aýmaǵynyń basym bóliginde atmosferalyq frontaldyq aǵyndardyń ótýimen keı jerlerde jaýyn-shashyn (kóbine jańbyr) jaýady, jel kúsheıedi, tuman túsedi, soltústiginde kóktaıǵaq bolady, eldiń batysynda ǵana ashyq aýa raıy kútiledi.
Qazgıdromettiń habarlaýynsha, Aqmola, Shyǵys Qazaqstan oblystarynda túnde jáne tańerteń keı jerlerde tuman túsedi, tańerteń jáne kúndiz jeldiń 15-20 m/s-qa deıin kúsheıýi kútiledi.
Qostanaı oblysynda túnde jáne tańerteń keı jerlerde tuman túsedi, shamaly kóktaıǵaq bolady, tańerteń jáne kúndiz jel 15-20 m/s-qa deıin kúsheıedi.
Soltústik Qazaqstan oblysynda keı jerlerde kóktaıǵaq bolady, jeldiń kúshi 15-20 m/s.
Pavlodar, kúndiz Mańǵystaý oblystarynda keı jerlerde jeldiń ekpini 15-20 m/s-qa jetedi.
Qaraǵandy, Jambyl oblystarynda keı jerlerde tuman túsedi.
Qyzylorda, Ońtústik Qazaqstan, Jambyl, Batys Qazaqstan, Aqtóbe, Qaraǵandy, Qostanaı oblystarynda keı jerlerde óte joǵary órt qaýpi saqtalady.
