Qazaqstanda jańbyr jaýyp, naızaǵaı oınaıdy, jel kúsheıedi - 9 mamyrdaǵy aýa raıy boljamy
ASTANA. 8 mamyr. QazAqparat - 9 mamyrda Qazaqstan aýmaǵynyń basym bóligi atmosferalyq aǵyndardyń yqpalynda bolyp, aýa raıynyń turaqsyz sıpaty saqtalady, keı jerlerde jańbyr jaýyp, jel kúsheıedi, naızaǵaı oınaýy kútiledi.
Respýblıkaynyń batysy men ońtústiginde kún ashyq bolady, dep habarlady TJM baspasóz qyzmeti Qazgıdrometke silteme jasap.
Aqmola, Ońtústik Qazaqstan, Qyzylorda, Aqtóbe, Qaraǵandy, Shyǵys Qazaqstan, kúndiz Batys Qazaqstan, Pavlodar oblystarynda keı jerlerde jeldiń 15-20 m/s-ke deıin kúsheıýi kútiledi.
Almaty oblysynda kúndiz keı jerlerde jeldiń kúshi 15-20 m/s-ke deıin jetedi, Jalańashkól aýdanynda 18-23 m/s bolyp, kúndiz shańdy daýyl kóteriledi.
Jambyl oblysynda kúndiz keı jerlerde jeldiń ekpini 15-20 m/s-ke deıin jetip, kúndiz 25 m/s-ke deıin uıtqyp soǵýy kútilýde.
Qostanaı, Soltústik Qazaqstan oblystarynda túnde keı jerlerde, kúndiz aımaqtyń basym bóliginde jeldiń kúshi 15-23 m/s-ke jetip, Qostanaı oblysynda túnde jáne tańerteń keı jerlerde tuman túsedi.
Respýblıkaynyń ońtústiginde, ońtústik-shyǵysynda, batysynda, ortalyǵynda, shyǵysynda joǵary órt qaýpi saqtalady.
Taıaýdaǵy kezeńde, 9-13 mamyr kúnderi respýblıkanyń ońtústigindegi, ońtústik-shyǵysyndaǵy jáne shyǵysyndaǵy ózenderdiń kópshiliginde sý deńgeıi qubylyp, kútilip otyrǵan jańbyrǵa baılanysty keıbir ózenderde sý deńgeıi kóteriledi.
Atyraý oblysy sheginde Jaıyq ózeninde, Reseımen shekarada Esil ózeninde jáne Edildiń saǵasynda kóktemgi sý tasqynynyń óristeýi jalǵasady.
Budan buryn Almaty oblysynda sý tasqyny bolatyny eskertildi. Tolyǵyraq - myna jerde.
