Qazaqstanda jańbyr jaýyp, eldiń batysynda shańdy daýyl kóteriledi
ASTANA. QazAqparat - Qazaqstan aýmaǵynyń basym bóliginde atmosferalyq aǵyndardyń ótýimen jaýyn-shashyndy (kóbine jańbyr) aýa raıy saqtalady. Eldiń ońtústiginde jańbyr jaýyp naızaǵaı oınaıdy, jel kúsheıedi, batysynda - shańdy daýyl kóterilip, tuman túsedi, ortalyq bóliginde ǵana kún ashyq bolady.
«Qazgıdromettiń» boljamynsha, respýblıkanyń soltústiginde, shyǵysynda jáne ortalyǵynda kún sýytýy saqtalady.
Jambyl, Ońtústik Qazaqstan oblystarynda kúndiz keı jerlerde naızaǵaı oınaıdy, jel 15-20 m/s-qa deıin kúsheıedi. Qyzylorda, kúndiz Batys Qazaqstan oblystarynda keı jerlerde jeldiń kúshi 15-20 m/s-qa jetedi, shańdy daýyl kóteriledi.
Qostanaı oblysynda keı jerlerde tuman túsedi, jeldiń kúshi 17-22 m/s-qa jetedi. Soltústik Qazaqstan oblysynda keı jerlerde tuman túsedi, kúndiz jel 15-20 m/s-qa deıin kúsheıedi. Aqtóbe oblysynda keı jerlerde jel 18 m/s-qa deıin kúsheıedi. Aqmola, Atyraý, Qaraǵandy, Shyǵys Qazaqstan oblystarynda keı jerlerde tumandy bolady.
Aqmola, Qostanaı, Soltústik Qazaqstan, Pavlodar, Qaraǵandy, Shyǵys Qazaqstan oblystarynda keı jerlerde kún sýytyp, 3 gradýsqa deıin tómendeıdi. Aqtóbe oblysynda keı jerlerde óte joǵary órt qaýpi saqtalady.
