Qazaqstanda jańbyrly kúnder bastalyp, kúzdiń lebi seziledi
ASTANA. KAZINFORM — Sınoptıkter 18–20 tamyzǵa aýa raıy boljamyn usyndy, dep habarlaıdy «Qazgıdromettiń» baspasóz qyzmeti.
— Atmosferalyq fronttardyń ótýine baılanysty respýblıkanyń basym bóliginde jańbyr jaýyp, naızaǵaı oınaıdy, jel kúsheıedi, burshaq jaýýy múmkin. Tek elimizdiń ońtústiginde jaýyn-shashynsyz aýa raıy kútiledi. Soltústik, shyǵys jáne ortalyq óńirlerde túnde jáne tańerteń tuman túsedi. 19–20 tamyzda soltústik oblystarda, 20 tamyzda Qazaqstannyń ortalyǵynda qatty jańbyr jaýýy boljanady, — delingen habarlamada.
Batys óńirlerde kúndiz aýa temperatýrasy +30…+38°C-qa deıin kóterilip, Mańǵystaý oblysynyń jekelegen aýdandarynda +41°C-qa deıin jetedi.
Aqtóbe oblysynda kúndiz aýa temperatýrasy +27…+35°C, Qostanaı oblysynda +20…+30°C bolady.
Soltústik oblystarda kúndiz aýa temperatýrasynyń +17…+22°C-qa deıin tómendeýi kútiledi.
Elimizdiń ortalyq jáne shyǵys óńirlerinde kúndiz aýa temperatýrasy +18…+30°C-qa deıin tómendeıdi.
Qazaqstannyń ońtústiginde kúndiz aýa temperatýrasy +30…+37°C aralyǵynda bolady.
Elimizdiń ońtústik-shyǵysynda kúndiz aýa temperatýrasy +28…+35°C bolady.
Budan buryn sınoptıkter 2024 jyldyń kúzine arnalǵan aýa raıynyń aldyn ala boljamyn jasady.
