Qazaqstanda jańbyr sońy qarǵa ulasyp, -7 gradýsqa deıin sýytady

ASTANA. KAZINFORM – «Qazgıdromet» RMK-sy qyrkúıektiń 24-26 aralyǵyndaǵy kún raıyna boljamyn jarııalady.

Sınoptıkterdiń boljamynsha, aldaǵy táýlikterde respýblıkanyń soltústiginde jáne shyǵysynda atmosferalyq aǵyndardyń ótýine oraı 26 qyrkúıekte elimizdiń ońtústik-shyǵysyndaǵy taýly aımaqtarda jańbyr, qar jaýady, aýa temperatýrasy túnde 2-7 gradýsqa deıin tómendeıdi.

- Qalǵan aýmaqta soltústik-batys antıtsıklonynyń yqpalymen kún jaýyn-shashynsyz bolady. Respýblıka boıynsha jel kúsheıedi. Respýblıkanyń soltústiginde, soltústik-batysynda jáne shyǵysynda túnde jáne tańerteń tuman túsedi. Kúndiz aýa temperatýrasy tómendeıdi: respýblıkanyń batysynda +18+26°S, soltústikte, shyǵysta +5+10°S, ortalyqta +7+15°S, ońtústikte +12+20°S, taýly aımaqtarda +2+10°S deıin», - delingen habarlamada.