Qazaqstanda jańartylmaly kózderdiń elektr energııasy belgilengen tarıfter boıynsha satyp alynady - BUUDB
ASTANA. 28 mamyr. QazAqparat - Jańartylatyn kózderdiń elektr energııasy belgilengen tarıfter boıynsha biryńǵaı eseptik ortalyqpen satyp alynady. Bul týraly QR-da BUU damytý baǵdarlamasynyń energııa tıimdiligi men energetıkanyń jańartylatyn kózderi boıynsha keńesshisi Gennadıı Doroshın málim etti, dep habrlady Rrimeminister.kz.
«Jańartylǵan energııa kózderin qoldaý týraly qazirgi zańǵa ózgertýler engiziledi, ol osy elektr energııasyn satyp alýǵa belgilengen tarıfterin qamtamasyz etedi. Jańartylǵan energııa kózderi jobasynan elektr energııasy júıelik operator janynda uıymdastyrylǵan biryńǵaı eseptik ortalyqpen satyp alynatyn deńgeıdi belgilengen tarıfter anyqtaıdy», - dedi G.Doroshın.
Sarapshynyń aıtýynsha, mundaı tetik belgili bir dárejede bıýrokratııalyq tosqaýyldardy azaıtyp, JEK salasyndaǵy ınvestıtsııalyq jobalardy qaraý turǵysynan ınvestordyń ashyqtyǵy men yńǵaılylyǵyn qamtamasyz etedi.
Budan ózge, BUUDB ókili JEK boıynsha ınvestıtsııalyq jobalardy kelisý kezinde týyndaǵan qıyndyqtardy joıýǵa múmkindik berip, balamaly energetıkany damytýǵa serpin bolatynyn atap ótti.
JEK energııasynyń qymbat turatynyna qatysty BUUDB sarapshysy ýaqyt óte kele balamaly kózderden alynatyn energııa arzandap, alǵashqy ınvestıtsııalardy qaıtarý merzimimen qamtamasyz etedi dep esepteıdi.
«Investor bankpen eseptesken soń elektr energııasynyń quny sáıkesinshe tómen bolady», - dep tolyqtyrdy G.Doroshın.
Osylaısha, onyń aıtýynsha, ótemdilik merziminen ótken jel elektr stantsııalarynan alynatyn elektr energııasynyń quny shamamen 5 tsent deńgeıinde, ıaǵnı bul qazirgi elektr energııasy naryǵyndaǵy qunǵa sáıkes.
Aıta ketý kerek, jańartylatyn kózderimen óndiriletin energııa úshin belgilengen tarıfter syzbasy ınvestıtsııalyq jáne paıdalaný shyǵynynan, sonymen qatar jelige qosý shyǵyndarynan turady.
Osylaısha, JEK-niń ár túrine respýblıka boıynsha biryńǵaı tarıf bekitiledi. Tarıfterdiń jaramdylyq merzimi de belgilenedi, osy merzimde jańartylatyn energııa kózderin túgel satyp alý kepildenedi.
Belgilengen tarıfter kelesi kezeńderdi qaıta qaraýǵa jatady.
