Qazaqstanda jańartylatyn energııa kózderi aıasynda shalǵaıdaǵy mal sharýashylyqtary úshin tolyq jaǵdaı jasalady

ASTANA. 4 naýryz. QazAqparat - Qazaqstanda shalǵaıdaǵy mal sharýashylyqtary úshin ınfraqurylymy jabdyqtalǵan shuraıly jaıylymdar paıda bolady. Bul sharýashylyqtar «taza» energııany paıdalanýǵa negizdeledi. Bul týraly búgin QR Prezıdenti janyndaǵy Ortalyq kommýnıkatsııalar qyzmetindegi brıfıngte «Qazatomónerkásip» ulttyq atom kompanııasy» AQ-nyń ınnovatsııalyq jobalar boıynsha basqarýshy dırektory Valerıı Shevelev málim etti.

Onyń sózine qaraǵanda, aýyl sharýalyǵy mamandarymen birlese shalǵaıdaǵy otarly mal sharýashylyǵyn damytý boıynsha baǵdarlama qarastyrylýda. Osy oraıda jazyqtarda shuraıly jaıylymdardy jańǵyrtýǵa basymdyq berilmek. Olar sýmen qamtamasyz etilip, jańartylatyn energııa kózderi, sondaı-aq qajetti ınfraqurylym jasaqtalady. Atap aıtqanda, bul sharalar elimizde dástúrli mal sharýashylyǵyn qaıta damytýǵa negizdelmek.

Belgili bolǵandaı, bıyl jel energııasy jabdyqtary zaýytynyń qurylysyn bastaý josparlanýda. Bul jabdyqtar serııalyq túrde shyǵarylyp, baǵasy jaǵynan qol jetimdi bolady.