Qazaqstanda jańartylatyn energetıka sektoryna qansha qarjy tartyldy

NUR-SULTAN. QazAqparat – Búgin Úkimet otyrysynda QR Energetıka mınıstri Nurlan Noǵaev jańartylatyn energııa salasyna qansha ınvestıtsııa tartylǵanyn aıtty, dep habarlaıdy QazAqparat tilshisi.

«Sońǵy jyldary halyqaralyq qarjy ınstıtýttarymen jáne uıymdarmen birqatar kelisim men memorandýmǵa qol qoıý arqyly sektorǵa 240 mlrd teńge (nemese 613 mln AQSh dollary) somaǵa ınvestıtsııa tartý boıynsha jumys júrgizildi. «Jasyl» energııa sektorynda qazir álemniń 10 elinen ınvestorlar, sondaı-aq Eýropa Qaıta Qurý jáne Damý banki, Azııa Damý Banki, Azııa Infraqurylymdyq Investıtsııalar Banki, Qazaqstan Damý Banki sııaqty iri qarjy uıymdary jumys isteıtinin atap ótkim keledi», - dedi mınıstr.

Onyń aıtýynsha, sonymen qatar «jasyl» energııa salasyna ınvestorlar retinde Enı, Total sııaqty iri munaı kompanııalary kelip, Qazaqstanda birqatar jańartylatyn energetıka jobasyn iske asyrdy, ári olardyń osy salany odan ári damytý jóninde naqty josparlary bar.

«Qarjy-esep aıyrysý ortalyǵy qyzmetin bastaǵan sátten bastap jańartylatyn energetıka sektoryna shamamen 626 mlrd teńge tartyldy, al salynǵan nysandardan shamamen 81 mlrd teńge salyq tólenetin bolady», - dedi N. Noǵaev.