Qazaqstanda jańartylatyn energııa kózderiniń úlesi qalaı artady

ASTANA. KAZINFORM – 2035 jylǵa qaraı 32 GVt jańa elektr stantsııalaryn engizý jospary bar. Bul týraly elordada «Ortalyq Azııa — Qytaı: Energetıka» forýmynda «KEGOC» AQ Basqarma tóraǵasy Nábı Aıtjanov málim etti.

— Qazir álemdik energetıkalyq júıelerdiń aldynda turǵan negizgi mindetterdiń biri — salany kómirteksizdendirý. Bul qadamdardan Qazaqstan da shet qalmaıdy. Qýat kóziniń qurylymy jyldam ózgerip jatyr. Jańartylatyn engergııa kózderin jáne balamaly qýattardy qosa alǵanda, 2035 jylǵa qaraı shamamen 32 GVt jańa elektr stantsııalaryn engizý jospary bar. Bul rette, jańaratylatyn energııa 12 GVt jáne atom elektr stansasy 2,4 GVt shamasynda. Sonymen qatar, gaz jáne kómir elektr stansalaryn iske qosý josparlanǵan, olardyń úlesi — 17 GVt, — dedi N. Aıtjanov.

Onyń aıtýynsha, osy is-sharalardyń nátıjesinde generatsııanyń jalpy qurylymynda jańaratyn energııa kózderi men balamaly qýattyń úlesi 2035 jylǵa qaraı 40 paıyzdan asady.

Budan buryn habarlanǵandaı, búgin elordada «Ortalyq Azııa — Qytaı: Energetıka» forýmynda QR Energetıka mınıstri Erlan Aqkenjenov saladaǵy jobalar týraly aıtty.