Qazaqstanda janarmaı shyǵynyn únemdeýge múmkindik beretin bonýstyq baǵdarlama iske qosylady
Ol «Jolymyz bir» dep atalady. Bul týraly búgin Almatyda ótken baspasóz máslıhatynda málim etildi.
«2016 jyldyń basynan bastap, Qazaqstandaǵy «Gazpromneft» janar-jaǵarmaı beketteri jelisi «Jolymyz bir» dep atalatyn bonýstyq baǵdarlamany iske qospaq. Kólik júrgizýshileri janarmaıǵa ketken shyǵynnyń 3 paıyzyn únemdeýge múmkindik alady. Bul jeńildikter avtokólik júrgizýshilerine arnalǵan kartalarǵa onlaın rejiminde bonýs túrinde enedi. Baǵdarlamaǵa qatysýshylarǵa tıimdi bolýy úshin biz kartanyń «Kúmis», «Altyn» jáne «Platına» dep atalatyn birneshe deńgeıin belgiledik. Olardaǵy jeńildik kólemi aı saıyn janarmaıǵa jumsalǵan somaǵa baılanysty bolmaq. ıAǵnı, deńgeıi artqan saıyn kartaǵa kelip túsetin aqshanyń kólemi de kóbeıe túsedi », - dedi óz sózinde «Gazpromneft-Qazaqstan» kompanııasy bas dırektorynyń bólshek saýda jónindegi orynbasary Rýslan Poletaev.
Aıta ketelik, mundaı kartany 800 teńgege satyp alýǵa bolady. Kompanııa ókilderiniń aıtýynsha, atalǵan baǵdarlama boıynsha 2016 jyly klıentterdi qamtý deńgeıin 55 paıyzǵa ósirý kózdelip otyr. ıAǵnı, «Gazpromneft» beketterine keletin 100 klıenttiń kem degende 55-sinde osyndaı bonýstyq karta bolady degen senim bar. Kartaǵa túsken aqshalar ball túrinde esepteledi. Ony kólik júrgizýshileri qalaǵanynsha jumsaıdy, ıaǵnı tek osy janarmaı beketterinde munaı, azyq-túlik ónimderin satyp ala alady nemese osy beketterde ornalasqan dámhanalarda tamaqtanýyna bolady.
