Qazaqstanda janar-jaǵarmaı sapasyna jasalǵan tekseristerdiń jartysynda zańbuzýshylyqtar anyqtaldy

Bul týraly búgin QR Indýstrııa jáne jańa tehnologııalar mınıstrligi Tehnıkalyq retteý jáne metrologııa komıteti tóraǵasy Ryskeldi Sátbaev málim etti.

«Jalpy 2012 jyly munaı ónimderin satatyn 227 kásiporynda tekseris júrgizildi. Buzýshylyqtar 115 oqıǵada (50,6%) anyqtaldy. Nátıjesinde 294 mln. teńge bolatyn janar-jaǵarmaıdyń 220 partııasyna tyıym salyndy, kásiporyndar 10 mln. teńge somasyna ákimshilik jaýapkershilikke tartyldy», - dep atap kórsetti R.Sátbaev.

Onyń aıtýynsha, Astanada janarmaı sapasyna qatysty zańbuzýshylyqtar «Asqar Munaı Treıd» JShS, «Gelıos» JShS, sonymen qatar Almatydaǵy «Arrovana» JShS-ke qarasty «Enerdjı» janarmaı quıý stansasynda anyqtalǵan.

«Munaı ónimderin satý barysynda sáıkestendirý sertıfıkatynsyz satý, tańbalaý talaptaryn oryndamaý, tekserilmegen ólsheý quraldaryn paıdalaný syndy buzýshylyqtar jıi kezdesedi», - deıdi komıtet basshysy.