Qazaqstanda janar-jaǵarmaı baǵasy qymbattaýda
ASTANA. QazAqparat - Qatardaǵy tutynýshylar úshin Qazaqstandaǵy janar-jaǵarmaı materıaldarynyń ózindik óndirisiniń ósimi men ımporttyń qysqarýy baǵanyń artýyna ákep soqty, dep habarlaıdy «QazAqparat» HAA finprom.kz-ke silteme jasap.
Sonymen qatar, 2017 jyldyń tamyz aıynda 2016 jyldyń jeltoqsan aıymen salystyrǵanda ishki naryqqa negizdelgen motor benzınin óndirýshilerdiń baǵasy 4,5%-ǵa ósti, qysqy dızel otyny - 0,5%, al, jazǵy - birden 14,5%-ǵa ósti.
Jergilikti munaı óndirýshi zaýyttarda nebári 3,1 mln tonna dızel otyny óndirildi, bul byltyrǵy jyldyń qańtar-tamyz aılarymen salystyrǵanda, 1,8 paıyzǵa tómen.
2017 jyldyń tamyz-shilde aılarynda Qazaqstanǵa barlyǵy 188,9 myń tonna dızel otyny jetkizilgen, bul kórsetkish byltyrǵy jylmen salystyrǵanda eki esege kem. Sondaı-aq, osy aralyqtaǵy avtomobıl benzıniniń ımporty 625,9 myń tonnany qurap, 2016 jyldyń osy kezeńindegi kólemmen salystyrǵanda, 2,4 paıyzǵa kemidi.
