Qazaqstanda jańa jyldyń alǵashqy kúni burqasyn kútilýde
ASTANA. QazAqparat - Qazaqstan aýmaǵynda burynǵysha atmosferalyq aǵyndardyń ótýimen aýa raıynyń turaqsyz sıpaty saqtalýda, keı jerlerde qar jaýyp, burqasyn kóteriledi, tuman túsedi, kóktaıǵaq bolady jáne jel kúsheıedi.
Qazgıdromettiń habarlaýynsha, Qostanaı, Qaraǵandy, Aqmola oblystarynda keı jerlerde tuman túsýi, burqasyn kóterilýi, jeldiń 15-20 m/s-qa deıin kúsheıýi baıqalady.
Jambyl, Qyzylorda oblystarynda tuman túsýi, kóktaıǵaq bolýy, keı jerlerde jeldiń 15-20 m/sqa deıin kúsheıýi kútiledi, Jambyl oblysynda burqasyndatqan jeldiń uıtqýy 25 m/s-qa deıin jetedi.
Mańǵystaý oblysynda keı jerlerde tuman túsedi, kóktaıǵaq bolady.
Ońtústik Qazaqstan oblysynda tuman túsedi, jel 15-20 m/s-qa deıin kúsheıedi.
Almaty oblysynda keı jerlerde tuman túsedi, Jalańashkól aýdanynda jeldiń kúshi 18-23, uıtqýy 28 m/s-qa jetedi.
Batys Qazaqstan, Aqtóbe, Shyǵys Qazaqstan, túnde Atyraý, kúndiz Pavlodar oblystarynda keı jerlerde burqasyndatyp, jel 15-20 m/s-qa deıin kúsheıedi.
Soltústik Qazaqstan oblysynda keı jerlerde tuman túsýi baıqalady.
