Qazaqstanda jańa júrgizýshi kýáligi qandaı bolady?
ASTANA. QazAqparat - BAQ-ta jańa úlgidegi júrgizýshi kýálikteriniń nusqalary paıda boldy solarǵa qarap bolashaqta onyń qandaı bolatynyn boljaýǵa bolady, dep jazady 24.kz.
«2014 jyldyń sáýir aıynyń sońynda qabyldanǵan «Jol qozǵalysy týraly» Zań osy jyldyń 19 qazanynda kúshine enedi. Osy zańmen kólik quraldarynyń jańa kategorııalar, bolashaqta polıtseıler talap etetin júrgizýshi kýálikteri qaralyp otyr. Jarty jyldan keıin Qazaqstannyń halyqqa arnaıy qyzmet kórsetý ortalyqtary men tirkeý-emtıhan alý bólimderinde jańa júrgizýshi kýálikteri berilýi kerek. Jańa júrgizýshi kýáliginiń qandaı bolatyny jaıly kóp aıtyldy, kóbine ýkraındyq úlgige uqsas dep keltirildi. Biraq jaqynda ǵana redaktsııa alǵashqy maketterdi kórip, olardy shyǵarý boıynsha konkýrsqa qatysýǵa nıetti kompanııa ókilinen aqparat aldy. Onyń sózine qaraǵanda, jańa júrgizýshi kýálikteriniń standarty áli qabyldanǵan joq. Biraq búginnen bastap onyń ózgeretinine senýge bolady. Maket bekitilisimen-aq, ІІM kýálikterdi óńdep, jasap shyǵarýǵa konkýrs jarııalaıdy. Biraq plastıkalyq kartochkalardy chıptermen kesip, olardy bere bastaý az. Bastamas buryn polıtsııaǵa úlken jumys atqarý kerek. Birinshi kezekte, jańa kategorııadaǵy kólik quraldarynyń júrgizýshilerin teorııalyq jáne praktıkalyq oqytý júıesin jasaý, kólik júrgizý boıynsha emtıhan qabyldaý tásilderin jasap shyǵarý. Sebebi búgingi tańda elimizdiń birqatar aımaǵynda, sonymen birge Astana men Almaty qalalarynda kýálik berýmen halyqa arnaıy qyzmet kórsetý ortalyqtary aınalysady. Onda emtıhannan ótken-ótpegeniń avtomatty túrde qabyldanady. Sáıkesinshe, jol polıtseılerine jańa kategorııadaǵy barlyq jańa kólikterdi robottarmen jabdyqtap, olardy emtıhan alý pýnkterine ornalastyrý kerek. Júrgizýshi kýálikterine keletin bolsaq, redaktsııaǵa jaýap berýshiniń sózine qaraǵanda, olardy jańartylǵan halyqaralyq konventsııaǵa sáıkes etip jasaıdy. Júrgizýshi kýáliginen frantsýz tilindegi PERMIS DE CONDUIRE (kólik júrgizýge ruqsat) jazýy óshiriledi. Kýáliktegi barlyq málimetter qazaq, orys jáne aǵylshyn tilderinde jazylady. Fotosýret pen chıptiń oryndary aýysady. Al olardyń arasynda aty-jóni, azamattyǵy, onyń berilý merzimi men orny jáne qujattyń nomeri kórsetiledi. Tómendegi oryn erekshe belgiler úshin qaldyrylady», - dep jazylǵan habarlamada.
