Qazaqstanda jańa járdemaqyny 382 myń otbasy aldy

NUR-SULTAN. QazAqparat – 2020 jyldyń eki aıynda 382 myń otbasy jańa járdemaqy aldy, dep habarlaıdy QazAqparat.

«Kópbalaly otbasylardy qoldaý 4 jáne odan da kóp kámeletke tolmaǵan nemese 23 jasqa deıingi kúndizgi oqý bóliminde oqıtyn stýdent balalary bar otbasylarǵa jańa memlekettik járdemaqy tóleý esebinen qamtamasyz etildi. Atalǵan memlekettik járdemaqy 2020 jylǵy 1 qańtardan bastap otbasynyń tabysyna qaramastan saralanǵan mólsherde beriledi: 4 balaǵa – 42 496 teńge; 5 balaǵa – 53 127 teńge; 6 balaǵa – 63 757 teńge; 7 jáne odan da kóp balaǵa – 74 388 teńge. 2020 jyldyń 2 aıynda 382 myń otbasy járdemaqy alyp, 36 mlrd teńge tólendi», - delingen Eńbek jáne halyqty áleýmettik qorǵaý mınıstrligi málimetinde.

Budan buryn habarlanǵandaı, 2020 jyly memlekettik járdemaqylar men tólemderdi tóleýge 693 mlrd teńge qarastyrylǵan.