Qazaqstanda jańa uıym qurylady

ASTANA. QazAqparat - Jańa uıymǵa venchýrlyq ınvestıtsııalar salasyndaǵy bilikti mamandar kiretin bolady, dep xabarlaıdy QazAqparat tilshisi.

QR Aqparat jáne kommýnıkatsııalar vıtse-mınıstri Nurgúl Maýberlınovanyń aıtýynsha, venchýrlyq qarjylandyrý salasyndaǵy zańnama qabyldanǵannan keıin bilikti mamandardy jınap, tájirıbeni arttyrý qajet. Sol sebepti jańa uıymdy qurý týraly bastama kóterilip otyr.

"Aǵymdaǵy jyly shilde aıynda biz venchýrlyq qarjylandyrý týraly zańdy qabyldadyq. Endi, táýekelderi bar kelisimsharttar zańmen retteledi. Sonyń aıasynda barlyq taraptardyń quqyqtary qorǵalǵan. Aldaǵy ýaqytta Qazaqstanda alǵash ret venchýrlyq kapıtalıster qaýymdastyǵy ashylady", - dedi N.Maýberlınova Astanada ótken bapasóz máslıxatynda.

Osy oraıda vıtse-mınıstr "Astana Hub" texnoparkiniń jumysyn erekshe atap ótti.

"Búginde Qazaqstan texnologııalyq ári ınnovatsııalyq kásipkerlikti damytýǵa den qoıyp otyr. Osyǵan oraı, bıyl "Astana Hub" texnoparki óz jumysyn bastady. Ol jerde startaptar úshin barlyq jaǵdaı jasalǵan. Budan bólek, texnopark negizinde sheteldik jáne otandyq IT kompanııalardyń zertxanalaryn ashý sharalaryna erekshe kóńil bólinedi. Qarasha aıynda «Astana Hub»-tyń resmı tanystyrylymy ótedi", - dep atap kórsetti N.Maýberlınova.