Qazaqstanda jańa úılerdiń quny qymbattady
ASTANA. QazAqparat - Jańa páterler naryǵyndańy baǵa saıasaty turaqtandy. Qazaqstan boıynsha bir jyldyń ishinde jańa salyǵan páterlerdiń sharshy metriniń baǵasy 5 paıyzǵa artyp, 266 myń teńgege jetti. Buǵan qosa, atalǵan kezeńdegi kópqabatty turǵyn úılerdegi páterler boıynsha mámile kólemi 13 paıyzǵa, al dollar baǵamy 11 paıyzǵa ósti, dep habarlaıdy QazAqparat Ranking.kz portalyna silteme jasap.
Statıstıka komıtetiniń derekterine sáıkes, Qazaqstannyń iri qalalarynda bastapqy naryqtaǵy páterlerdiń quny tómendegeni baıqalady. Aqtaýda baǵa 4,2, Kókshetaýda 4,5, Pavlodar men Petropavlda birden 24 paıyzǵa qysqarǵan. Muny memlekettik baǵdarlama boıynsha bıýdjettiń páterlerdiń jappaı salynýymen túsindirýge bolady.
Memlekettik-jekeshelik seriktestik formatyndaǵy turǵyn úı qurylysyna memlekettik qoldaý tıimdiligi deńgeıiniń arta túsýi de baıqalady.
2017 jyldyń qazany men 2018 jyldyń qazany aralyǵyndaǵy kezeńde baspana satyp alýǵa arnalǵan bank zaımdarynyń kólemi 17,2 paıyzǵa (184,6 mlrd teńge) ósti. Bul rette ıpotekalyq naryqtyń Qazaqstannyń barlyq óńirlerinde joǵary belsendiligi baıqalady. Almaty oblysynda bir jyldyń ishinde ıpoteka naryǵy aqshaǵa shaqqanda birden 42,5 paıyzǵa artty. Astanada, Atyraý men Batys Qazaqstan oblystarynda ekinshi deńgeıli bankter arqyly ıpotekalyq zaımnyń kólemi atalǵan kezeńde 25 paıyzǵa ulǵaıdy.
Tabysy joǵary halyqqa arnalǵan jańa turǵyn úılerdiń qoljetimdilik deńgeıi de artyp keledi. Bir jaǵynan naqty baǵa sheginde qurylysta qun belgileý tetiginiń aıqyndyǵy qalyptasa tússe, ekinshi jaǵynan memlekettik baǵdarlama boıynsha baspana satyp alýdyń ortasha chegi belgilendi. Bul rette qurylysshylar salynǵan nysannyń satylýyna kepildik alyp otyr. Bul da qurylystyń ózindik qunyn tómendetedi.
