Qazaqstanda jańa uıaly baılanys operatory paıda bola ma
ASTANA. KAZINFORM — QR Tsıfrlyq damý, ınnovatsııalar jáne aeroǵarysh ónerkásibi mınıstri Jaslan Mádıev Qazaqstanda jańa uıaly baılanys operatorynyń paıda bolý múmkindigi týraly pikir aıtty.
Onyń aıtýynsha, qazirgi kezde jańa operatorǵa qatysty másele kóterilip jatqan joq.
- Qazir ondaı jumystar júrgizilip jatqan joq. Óıtkeni bizde ratıfıkatsııalanǵan halyqaralyq kelisimder boıynsha tıisti shekteýler bar. Sondyqtan, Qatardan bizge ınvestor kelgen kezde, biz naryqty qorǵaý boıynsha belgili bir mindetteme aldyq, - dep túsindirdi J. Mádıev Parlament Májilisinde tilshiler suraǵyna jaýap bere otyryp.
Eske salsaq, Tele2 men ALTEL qatarlyq ınvestorǵa 1 mıllıard dollarǵa satylatyny málim boldy.
Power International Holding ınfraqurylymǵa shamamen 300 mlrd teńge qarajat bóledi. Oǵan qosa, bazalyq stantsııalardy salý, 5G bazalyq stantsııalaryn ornatý boıynsha mindettemeler bar.