Qazaqstanda jańa turǵyn úılerdi satý baǵasy tómendedi
ASTANA. QazAqparat - 2014 jylǵy maýsym aıynda jańa turǵyn úılerdi satý baǵasy 0,6%-ǵa tómendedi, dep habarlaıdy QR Statıstıka agenttigi.
«2014 jylǵy maýsymda ótken aımen salystyrǵanda abattandyrylǵan turǵyn úılerdi jalǵa berý jáne abattandyrylmaǵan turǵyn úılerdi qaıta satý baǵalary 0,4%-ǵa, abattandyrylǵan turǵyn úılerdi satý 0,2%-ǵa ósti, al jańa turǵyn úılerdi satý baǵasy 0,6%-ǵa tómendedi», - delingen habarlamada.
Respýblıka boıynsha ortasha kórsetkishtegi jańa turǵyn úı baǵasy maýsym aıynda sharshy metrine 214 350 teńgeni qurady. Al ekinshi naryqta bul kórsetkish sharshy metrine 168 986 teńge boldy. Elimizde turǵyn úılerdi jaldaý baǵasy sharshy metrine - 1198 teńge.
Turǵyn úı baǵasy naryǵyn baqylaýdy qurylys kompanııalarymen qatar qalalyq qor boıynsha jyljymaıtyn múlikpen operatsııalar jasaıtyn birqatar uıymdar Astana, Almaty qalalarynda jáne oblys ortalyqtarynda júzege asyrady, dep jazady strategy2050.kz.
