Qazaqstanda jańa turǵyn úıdiń baǵasy ósti
ASTANA. QazAqparat - Aqpan aıynda Qazaqstanda jańa turǵyn úıdiń baǵasy ótken aımen salystyrǵanda birshama ósti. Mundaı málimetti QR Ulttyq ekonomıka mınıstrligi Statıstıka komıteti keltirip otyr.
«2015 jylǵy aqpanda ótken aımen salystyrǵanda abattandyrylǵan turǵyn úıdi jalǵa alý tólemi 0,4%-ǵa, jańa turǵyn úılerdi satý jáne abattandyrylmaǵan turǵyn úılerdi alyp satý baǵalary - 0,2%-dan, al abattandyrylǵan turǵyn úıler - 0,1%-ǵa ósti», - delingen habarlamada.
Jańa baspananyń 1 sharshy metriniń ortasha baǵasy 223 668 teńgeni, abattandyrylǵan turǵyn úılerdiń 1 sharshy metriniń ortasha baǵasy 175 130 teńgeni qurady. Ótken jyldyń sáıkes merzimimen salystyrǵanda jańa baspananyń quny 7,3% artty.
Sonymen qatar, 2015 jyldyń aqpanynda turǵyn úıdi satyp alý-satýdyń tirkelgen mámileleriniń sany 12 282 qurady. Bul odan arǵy aıdyń kórsetkishinen 7,9% artyq. 2015 jylǵy qańtar-aqpanda turǵyn úıdi satyp alý-satý mámileleriniń sany ótken jylǵy tıisti kezeńmen salystyrǵanda 1,0%-ǵa artty.
