Qazaqstanda jańa Sý kodeksi ázirlenip jatyr
Bul týraly QR Ekologııa, geologııa jáne tabıǵı resýrstar mınıstrligi Sý resýrstary komıteti tóraǵasynyń orynbasary Dosbol Bekmaǵambetov aıtyp berdi, dep habarlaıdy QazAqparat tilshisi.
«Agroónerkásiptik keshendi damytý jónindegi ulttyq jobada 2025 jylǵa qaraı sý únemdeý tehnologııalaryn qoldanatyn jer kólemin 265-ten 450 myń gektarǵa deıin ulǵaıtý kózdelgen. Ónerkásipte aınalymdaǵy nemese qaıta sýmen jabdyqtaý kóleminiń ulǵaıýy arqyly taza sý alý kólemi 1,3 tekshe kılometrge qysqartylady», - dedi Dosbol Bekmaǵambetov Ortalyq kommýnıkatsııalar qyzmetinde.
Sonymen birge, Memleket basshysynyń bıylǵy 8 aqpandaǵy keńeıtilgen Úkimet otyrysyndaǵy tapsyrmasyna sáıkes, jańa Sý kodeksi ázirlenýde.
«Jańa Sý kodeksin qabyldaý eldiń sý-resýrstyq áleýetin saqtaý, sý únemdeýge arnalǵan kondyrǵylardy paıdalanýǵa yntalandyrý, sý resýrstary men sýǵa suranysty basqarýdaǵy qoǵamnyń rólin arttyrý men salany ǵylymı qoldaý úshin negiz bolady. Qazirgi ýaqytta jańa Sý kodeksiniń Tujyrymdamasy jáne ilespe zań jobasy ázirlendi, onyń taraýlary men baptary jazylyp jatyr. Kodeks jobasy bekitilgen merzimde Parlament Májilisine engiziledi», - dedi D. Bekmaǵambetov.
