Qazaqstanda jańa skrınıng túri engiziledi
ASTANA. KAZINFORM — Qazaqstanda V jáne S vırýstyq gepatıtterin anyqtaýǵa arnalǵan skrınıng engizilip jatyr, dep habarlaıdy DSM baspasóz qyzmeti.
Qazaqstanda vırýstyq gepatıttermen syrqattanýshylyqty tómendetý maqsatynda 18 jastan asqan adamdardyń arasynda V jáne S gepatıtterin anyqtaýǵa tolyq skrınıng júrgizý josparlanýda.
V jáne S vırýstyq gepatıtterimen ınfektsııany erte anyqtaý jónindegi pılottyq baǵdarlamany iske asyrý qorytyndylary, sondaı-aq eldegi syrqattanýshylyqty tómendetý jónindegi is-sharalardy iske asyrý jónindegi odan arǵy qadamdar Densaýlyq saqtaý mınıstri Aqmaral Álnazarovanyń aýrýlardy taldaý ortalyǵy (CDAF) qorynyń dırektory doktor Homı Razavımen kezdesýi barysynda talqylandy.
DDSU-nyń 2030 jylǵa deıingi vırýstyq gepatıtterdi joıý baǵdarlamasynyń negizgi jáne mańyzdy maqsattarynyń biri — olardy ýaqtyly dıagnostıkalaý.
— V jáne S vırýstyq gepatıtteri negizinen jasyryn (asımptomatıkalyq) bolǵandyqtan, 65% jaǵdaıda olar tsırrozdyń nemese baýyr obyrynyń damýymen aıaqtalady, bul óz kezeginde juqtyrǵan halyqtyń ólimine jáne múgedektigine ákeledi. Sondyqtan ınfektsııa tasymaldaýshylaryn erte satysynda anyqtaýdy jáne emdeýdi qamtamasyz etý mańyzdy, óıtkeni olar aınalasyndaǵylar úshin vırýstyq gepatıt kózi bolyp tabylady. Pılottyq baǵdarlamanyń nátıjeleri boıynsha Qazaqstanda tıimdi dıagnostıkalyq sheshimderdiń kómegimen 18 jastan asqan adamdardyń arasynda V jáne S vırýstyq gepatıtterin anyqtaýǵa arnalǵan jalpy skrınıngti bastaý týraly sheshim qabyldandy, — delingen vedomstvo taratqan aqparatta.
Buǵan deıin Atyraý oblystyq balalar aýrýhanasynda 5 jasar bala qaıtys bolǵanyn habarladyq.