Qazaqstanda jańa salyq jeńildikteri qoldanysqa endi
«Salyq jáne bıýdjetke tólenetin basqa da mindetti tólemder týraly» Qazaqstan Respýblıkasynyń Kodeksine (Salyq kodeksi) engizilgen tolyqtyrýlar men ózgetýlerge sáıkes, qosylǵan qun salyǵy (QQS) boıynsha jańa salyq jeńildikteri qoldanysqa enedi«, - delingen komıtet aqparatynda.
Sonymen jańa normalarǵa sáıkes, ótkizý orny Qazaqstan Respýblıkasy bolyp tabylatyn mynadaı taýarlardy, jumystardy, kórsetiletin qyzmetterdi ótkizý boıynsha aınalymdar QQS-tan bosatylady:
1) bir mezgilde mynadaı sharttar saqtalǵan kezde:
- arnaıy ekonomıkalyq aımaqtarynyń aýmaǵynda qyzmetin júzege asyratyn uıymdarmen taýarlardy berýge arnalǵan shart (kelisimshart) bolsa;
- arnaıy ekonomıkalyq aımaqqa qatysýshyǵa taýarlardyń tıep-jóneltilgenin rastaıtyn qujattar bolsa;
- arnaıy ekonomıkalyq aımaqqa qatysýshy – satyp alýshynyń taýarlardy alǵanyn rastaıtyn qujattar bolsa, arnaıy ekonomıkalyq aımaqtardyń aýmaǵynda basym qyzmet túrlerin júzege asyrý kezinde óndiriletin jáne ótkiziletin taýarlardy;
2) Dúnıejúzilik poshta odaǵyna múshe basqa elderdiń taǵaıyndalǵan operatorlarynyń halyqaralyq poshta jóneltilimderin Qazaqstan Respýblıkasynyń aýmaǵy arqyly tranzıtteý boıynsha taǵaıyndalǵan operatordyń Dúnıejúzilik poshta odaǵynyń aktilerine sáıkes biryńǵaı qujattarmen resimdelgen kórsetiletin qyzmetterin ótkizý boıynsha aınalymdar;
3) qalalyq (aýyldyq), qala mańyndaǵy, aýdanishilik, aýdanaralyq (oblysishilik qalaaralyq) qatynasta avtomobıl kóligimen, sondaı-aq tramvaılarmen jolaýshylardyń áleýmettik mańyzy bar tasymaldaryn júzege asyrý jónindegi kórsetiletin qyzmetterdi ótkizý boıynsha aınalymdar qosylǵan qun salyǵynan bosatylady.
Atalǵan tolyqtyrýlar Salyq kodeksiniń 394-babyna engizilgen.
Qoldanystaǵy Salyq kodeksimen ýákiletti ekonomıkalyq operatorlarmen (ÝEO) belgilengen sharttardy saqtaǵan jaǵdaıda ımportqa salynatyn QQS-ty tóleý merzimin uzartý qarastyrylǵan.
Salyq kodeksiniń 399-babyna engizilgen ózgeristerge sáıkes, kodekstiń 49-babynyń 10-tarmaǵyna sáıkes janama salyqtardy tóleý merzimi ózgertilgen jáne 457-babynda belgilengen talaptar oryndalǵan taýarlardyń ımporty QQS-tan bosatylady.
Taýarlardyń ımporty kezinde QQS-tan bosatýdy qoldaný tártibi men sharttaryn ýákiletti organ bekitedi.
Taýarlardyń eksportyn rastaý tártibi buzylǵan jaǵdaıda ımporttalatyn taýarlarǵa QQS EAEO keden zańnamasynda nemese Qazaqstan Respýblıkasynyń keden zańnamasynda aıqyndalǵan tártippen jáne mólsherde ımporttalatyn taýarlarǵa QQS tóleý úshin belgilengen merzimnen bastap ósimpul esepke jazyla otyryp tóleýge jatady.
Osylaısha, zańmen QQS-ty tóleý merzimin uzartylǵan QQS tóleýshileriniń belgilengen sanattary úshin EAEO múshe elderge budan buryn ımporttalǵan taýarlardy shyǵarǵan jaǵdaıda QQS-nan bosatýdy kózdeıtin túzetý engizilgen.
Salyq kodeksiniń 411-babyna engizilgen tolyqtyrýlarǵa sáıkes, QQS qosymsha somasyn esepke jatqyzýǵa quqyly qyzmet túrlerine mynalar qosyldy:
- maqta-mata talshyǵyn, maqta talshyǵyn daıyndaý;
- ashytqy óndirý;
- salyq tóleýshi agroónerkásiptik keshendi damytý salasyndaǵy ýákiletti organ aıqyndaǵan tártippen kelisim jasasqan jaǵdaıda, uzaq saqtalatyn shokolad, qantty kondıterlik ónimder, pechene jáne unnan jasalǵan kondıterlik ónimder óndirý;
- qant qyzylshasynan qant óndirý.
Engizilgen ózgerister otandyq taýar óndirýshilerdi qoldaýǵa baǵyttalǵan.
